هەواڵی کوردستان ئێستا

شەفەق نیوز/ نرخەیل نەفت، ئمڕوو سێشەممە، بەرزەو بوی، وەپشتگیری فرەیگ بازاڕ ک بەرهەمدارەیل پابەندبوین وە پەیمانیان وە کەمەوکردن هەل خامەگە، تا ئەوەنە رێژەی داواگان خاسەوبوود، وەل هاتنەوەی فرەی ماشین ئەرا ریوبانەگان، لەرەوش کەمەوکردن رێوشوێنەگان دژوە ڤاێڕۆس کۆرۆنا لە جهان.
گریەبەسەیل دویاخریاگ ئەرا خام ئەمریکی خوەرئاوای تیکساس ناوڕاسی بەرزەوبوی وە ٣،٤% وەبایی ١،١٢ دۆلار ئەرا یەک بەرمیل، کەمیگ داوەزیە لە لوتگەی ئمڕو ٢٤،٥٤ دۆلار.
گریەبەسەیل خام بڕینت بەرزەوبوی وە ١،٧% یا ٦١ سەنت، ٣٦،١٤ دۆلار ئەرا یەک بەرمیل تومار کردگە، دویای قانجازیگ رەسیە ١،١% روژ دووشەممە، لە مامەڵەیل کاڵیگ لەوەر پشووەگە.
بازاڕەگە پشتبه‌ساس وە وتاریلیگ روسی ک باس کەمەوکردن بەرهەم نەفتی کەێد نزیک وە ئامانجەگەی ک ئەرا مانگەیل ئایار و حوزەیران رەسیە ٨،٥ مەلیۆن بەرمیل له‌ هەر روژیگ، ، وەگورەی رێککەفتن لە کەمەوکردن هەل وەل رێکخراو وڵآتەیل نەفت فروش، و وەبەرهەمکارەیل گەورا، لە چوارچیوەی ئۆپیک .