English | عربي

تورکیا خۆی بۆ سزاکانی ئەمریکا ئامادە دەکات


تورکیا خۆی بۆ سزاکانی ئەمریکا ئامادە دەکات

2019/05/22 | 12:10

(هەواڵ كوردستان)-

خەندان-وەزیری بەرگری تورکیا رایگەیاند، سەرەڕای باشتربونی پەیوەندییەکانیان لەگەڵ ئەمریکا بەڵام، لەسەر پرسی کڕینی سستمی بەرگری موشەکی  S-400 لە روسیا خۆیان ئامادە بۆ  سزاکانی ئەمریکا ئامادە دەکەن.لەسەر پرسی کڕینی سیستمی بەرگری موشەکی S-400 لە روسیا خۆمان  بۆ سزاکانی ئەمریکا ئامادە دەکەین 

بەپێی ئاژانسی هەواڵی رۆیتەرز، ئەمڕۆ چوارشەممە هلوسی ئاکار، وەزیری بەرگری تورکیا رایگەیاندوە، سەرەڕای باشتربونی پەیوەندییەکانیان لەگەڵ ئەمریکا بۆ کڕینی فڕۆکەی F35 بەڵام، لەسەر پرسی کڕینی سیستمی بەرگری موشەکی S-400 لە روسیا خۆیان  بۆ سزاکانی ئەمریکا ئامادە دەکەن. هەرچەندە لەماوەی رابردودا واشنتن چەندین جار ئەنقەرەی لە سەپاندنی سزا بەسەریدا ئاگادارکردوەتەوە، بەڵام ئەنقەرە پێیوایە واشنتۆن دەیپارێزێت.هەمو ئەرکێکی خۆمان لە بەرنامەی کڕینی فڕۆکەی F35 جێبەجێکردوە بەوشێوەیەی پلانی بۆدانراوە

 

وەزیری بەرگری تورکیا راشیگەیاند، هەمو ئەرکێکی خۆیان لەبەرنامەی کڕینی فڕۆکەی F35 جێبەجێکردوە بەوشێوەیەی پلانی بۆدانراوە، سیستمی بەرگری موشەکی S-400 ش هیچ زیانێکی نیە.رونیشیکردەوە، "خۆشبەختانە تا ئێستا ئەمریکا هیچ کاردانەوەیەکی توندی نەبوە، ئەوانیش بەشێوەی ئاسایی و هێمنانە مامەڵە لەگەڵ کەیسەکەدا دەکەن".تورکیا گرێبەستی کرینی سیستمی بەرگری موشەکی S-400 ی لەگەڵ روسیا واژۆکردوە و ئەمریکاش هەڕەشەی سەپاندنی سزا بەسەریدا دەکات، لەهەمانکاتدا تورکیا لە ئامادەکاری تەواودابو بۆ کڕینی فڕۆکەی F35 لە ئەمریکا، بەڵام بەهۆی هەمان گرفتی کڕینی سیستمی بەرگری موشەکییەوە کۆنگرێس بڕیاری فرۆشتنی فرۆکەکەی راگرتوە.








نیشانەکردن



زۆرترین






ڤیدیۆ- وێنە





Trending