هەواڵی کوردستان ئێستا

 شەفەق نیوز/ سەرچەوەیگ پزشکی لە دیالە، ئمڕوو چوارشەممە، باس کرد لە تویشهاتن ئەفسەریگ پۆلیس وەپلەی عەمید وە ڤاێڕۆس کٶڕۆنا. 

سەرچەوەگە ئەرا ئاژانس شەفەق نیوز وت؛ عەمید عەدنان دنیار وەڕیەوبەر بنکەی پۆلیس ناحیەی وجێهیە، تویش ڤاێڕۆس کۆڕۆنا هات، وئیسە ها لە کەرەنتینەی تەندروسی لە خەسەخانەی بەعقوبەی گشتی، تا چارەسەری وەربگرێد.

وەلی عەمید نیهاد مەهداوی قسەکەر راگەیانن فەرمانگەی پۆلیسەگە ئەرا ئاژانس شەفەق نیوز دووپات تویشهاتن عەمید دنیار نەکرد، وت رەوشەگە گومان کردنە، وچەوەڕی ئەنجام تاقیەگە کەیمن، ک هیمان دیارنەکەفتگە. هەژمار تویشهاتگەیل تۆمار کریاگ لە دیالە تا ئیسە رەسیە ٥١ تویشهاتگ و٢٢ خاسەوبوی و ٦ مردگ، ئەوەکانیش هانە کەرەنتینەی تەندروسی لە بەعقوبە.