هەواڵی کوردستان ئێستا

شەفەق نیوز/ فه‌رمانگه‌ی گەشتی گشت و گوزار لە هەرێم کوردستان ئمڕو پەنجشەممە، دووارە کردنەوەی شوینە گەشتیەگان رەت کرد، ودووپات کرد ک کردنەوەی ئەو شوینەیلە لە دەسڵات ئه‌و نیە.
فه‌رمانگه‌گه‌ لە بەیاننامەیگ ك رەسیە ئاژانس شەفەق نیوز وت؛ بەسانن وکردنەوەی شوینە گەشتیەگان لە هەرێم کوردستان، وهەمیش بازاڕ و مەرزە سنوریەگان لە دەسڵات خوەی نیە، ودیاری کرد ک ئی باسە پەیوەندیدارە وە رەوش تەندروسی گشتی، وکەمەوبوین رێژەی مەترسیەگان ک ڤاێرۆس کۆڕۆنا دروسی کەێد.
بەیاننامەگە وتیش؛ دەسڵات بڕیاردان کردنەوەی شوینە گەشتیەگان لە دەسڵات دەسەی باڵای دژە ڤایڕۆس کۆڕۆناس، وژوور ئۆپراسیۆنەگان لە پارێزگایل هەرێم کوردستان.
بەیاننامەگە هەمیش وت؛ لە بڵاوکراوەی ٢٧ ئایار دەزگای گەشتی لە هویچ تەوەریگ باس چنه‌ بڕیاریگ نەکرد وە کردنەوەی شوینە گەشتیەگان، ئاماژەدا ک ئەو بڵاوکردنە لە سایت پەیوەندی کۆمەڵایەتی دەزگاگە، تەنیا زانیاری لەناوی بوی، وباسەیلیگ ک پەیوەندی وە گەشتەو نەیاشت. دویای هەڵگردن قەیەغەی هاتوچگن گشتگیرەگە لە هەرێم کوردستان، لە شوون تەواوبوین جەژن رەمەزان، شوینە گەشتیەگان دەسکردنە کردنەوەی دەرەیلیان ئەرا مەردم، وهاتن فرەیگ وقەرەباڵغەیگ لەو شوینەیلە کەفتەدی.
فه‌رمانگه‌ی گەشت و گوزار هەرێم کوردستان لە ١١ ئادار وەرین بەسانن فرەی شوینە گەشتیەگان لە هەرێمەگە راگه‌یان ، ئەوەیش ئه‌را نواگردن ڤاێڕۆس کۆڕۆنای نووەوبوی.