English | عربي

گەرمیان.. 250 دۆنم دەغڵودانی جووتیاران و پووش و پاوەن سووتان


گەرمیان.. 250 دۆنم دەغڵودانی جووتیاران و پووش و پاوەن سووتان

2019/05/26 | 09:20

(هەواڵ كوردستان)-

گوتەبێژی بەڕێوەبەرایەتتی بەرگریی شارستانیی گەرمیان، سووتانی 250 دۆنم دەغڵودانی جووتیاران و پووش و پاوانی بەهۆی كەوتنەوەی ئاگر لە گوندێك و شارەدێیەكی سنووری گەرمیان ڕاگەیاند.

 

نیعمەت عەلی، گوتەبێژی بەڕێوەبەرایەتیی بەرگریی شارستانیی گەرمیان، بە (باسنیوز)ی ڕاگەیاند: "ئێوارەی دوێنێ 25/5/2019 بەهۆی كەوتنەوەی ئاگرێكەوە لە شارەدێی "سەرقەڵا"ی سەر بە قەزای كفری كە تا كاتژمێر نزیكەی 9ی شەوی خایاند، نزیكەی 50 دۆنم دەغڵودان و پووش و پاوەن سووتاون".

 

گوتیشی: "پاش ئاگاداركردنەوەمان دەستبەجێ تیمەكانی بەرگریی شارستانی گەیشتوونەتە شوێنی ڕووداوەكە و توانیویانە ئاگرەكە كۆنترۆڵ بكەن و نزیكەی 400 دۆنم دەغڵودان و پووش و پاوەن لە سووتان ڕزگار بكەن".

 

ئاماژەی بەوەش دا: "هەر دوێنێ 25/5/2019 بەهۆی كەوتنەوەی ئاگرەوە لە گوندی (سەوزبڵاخ) نزیكەی 200 دۆنم دەغڵودانی جووتیاران و پووش و پاوەن سووتاون و پاش ئاگاداركردنەوەمان تیمەكانی بەرگریی شارستانی كەلار و قۆرەتوو گەیشتوونەتە شوێنی ڕووداوەكە و توانیویانە ئاگرەكە كۆنترۆڵ بكەن و نزیكەی 3 هەزار دۆنم دەغڵودان و 3 باخ لە سووتان ڕزگار بكەن".








نیشانەکردن



زۆرترین






ڤیدیۆ- وێنە





Trending