English | عربي

جۆتیارێن شنگال ئەڤسالە دێ‌ 30 تەنێن تووتنێ‌ بەرهەمئینن


جۆتیارێن شنگال ئەڤسالە دێ‌ 30 تەنێن تووتنێ‌ بەرهەمئینن

2019/05/26 | 09:55

(هەواڵ كوردستان)-

ژ ئەگەرێ‌ هاتنا زێدە بارانان ل زڤستانا ئەڤ سالە، بەرهەمێ‌ تووتنێ‌ ل شنگال نمرێن پیڤای دشكێنیت و ئەڤ سالە دێ‌ نێزیكی 30 تەنان بەرهەم ئینیت و رەنگە هەموو ژی بەرەڤ بازارێ‌ دهۆكێ‌ و پارێزگەهێن دی یێن هەرێمێ‌ بچیت بۆ فرۆتنێ‌.

 

خەلەف بەرەكات ئیبراهیم، ئێك ژ جۆتیارێن تووتنێ‌ ل قەزا شنگال، بۆ (باسنیوز) دیار كر، شنگال یا ناڤدارە ب بەرهەمئینانا تووتنێ‌ و سالانە رێژەیەك مەزن یا تووتنێ‌ دهێتە بەرهەمئینان و ئەڤ سالە ژی ژ ئەگەرێ‌ هاتنا زێدە بارانان، رەنگە زێدەتر ژ 30 تەنێن تووتنێ‌ بهێنە بەرهەمئینان و من وەكو جۆتیار د ئەڤ سالە دا زێدەتر ژ 300 كیلۆیێن تۆڤێ‌ تووتنێ‌ ل دەڤەرا كەرسی یا ناڤدار ب چاندنا تووتنێ‌ چاند بوون و بەرهەمەكێ‌ باش ژێ‌ دهێت.

 

ئاشكرا ژی كر كو ب تنێ‌ ل دەڤەرا كەرسی ل شنگال یا چاندنا تووتنێ‌ نێزیكی 20 جۆتیارێن شارەزا یێن چاندنا تووتنێ‌ هەنە و ب تنێ‌ ل ڤێ‌ دەڤەرێ‌ زێدەتر ژ 10 تەنێن تووتنێ‌ دهێنە بەرهەمئینان و ئەڤ تووتنە بۆ هەموو هەرێما كوردستانێ‌ و هندەك جاران بۆ وەلاتێن دەوروبەر ژی دچیت.

 

خەلەف بەرەكات ئاماژە ب هندێ‌ ژی دا كو تووتنا شنگال ل وەرزێ‌ بوهارێ‌ دهێتە چاندن و ل هەیڤا پێنچ شتلێن وان دهێنە بلندكرن و جارەكا دی دهێتە چاندن و ل وەرزێ‌ پاییزێ‌ و پشتی باش هشك دبیت، دهێت دروون و ئەم دشێین ئێكسەر ژی بكەینە جگارە.

 

فەرحان شەمۆ، ئێك ژ جۆتیارێن تووتنێ‌ ل قەزا شنگال بۆ (باسنیوز) دا زانین كو ئەڤسالە ل قەزا شنگال نێزیكی 2000 كیلۆیێن تووتنێ‌ هاتینە چاندن و ئەڤە دێ‌ بیتە ئەگەر كو نێزیكی 30 تەنێن تووتنێ‌ ل شنگال بهێنە بەرهەمئینان، بەلێ‌ ئەڤە نێزیكی چەندین سالان بوویە ژ ئەگەرێ‌ كێمیا بارانان سالانە ب تنێ‌ نێزیكی 20 تەنێن تووتنێ‌ ل شنگال دهاتنە بەرهەمئینان.








نیشانەکردن



زۆرترین






ڤیدیۆ- وێنە





Trending