هەواڵی کوردستان ئێستا

 شەفەق نیوز/ دۆناڵد ترامپ سەرۆک ئەمریکا، هەڕەشە گولەواران ناڕەزایەیل ولایەت مینیسوتا کرد، ک ئەرا سێەم شەوە لەبان یەک لە ناوی ناڕەزایەتی بەرزەوبوود ، لەوەر مردن پیاو سیایگ، ک لەتۆماریگ ڤیدیۆ تەماشاکریا لەوەخت گیانکەنینی ئەفسەر پۆلیسیگ رمیاسە بانی و زرانی ناسە بان ملی.

 تیم واڵز,  دەسڵاتدار هەرێمەگە ، فەرماندا وەهێزەیل پاسەوان نیشتمانی وەدەسمیەت پۆلیس، نوای کارەیل تاڵان وخراوکارى وئاگرداین شارەگە بگرن، لەوەختیگ وەرپرسەیل خۆجێى وفیدڕاڵی ویەکێتیەگان هەوڵدەن ئەرا سوکەوکردن ئاژاوەى توخمایەتیەگان ک لە شوون دەسوەسەرکردن جۆرج فلۆێد ( ٦٠ ساڵان) هات، وەشیوەیگ رەسانەی مردن.

نارازیەگان لەدەور بنکەیگ پۆلیس گردەو بوین، ئیجا ناچار مەنن بچنە دویا لەوەر بومبەیل ئەسر رشن وگولەی پلاستیک، ک پۆلیسەگان لەبان خانی بنکەگەو ئەرایان وەشانن.

بەڵکم ناڕەزایەگان دووارە هاتنەو وگردەوبوین وپەلامار بنکەگە دان وئاگری دان، ک دیاربوی پیاوەیل پۆلیس خوەیان لەناوی کیشانەو، لەوەختیگ ناڕەزیەگان چینە بان خانیەگەی.

دەسڵاتەیل شارەگە هوشداری دان لە باوەت راپۆرتیگ ک باس لە بڕین هێڵ گاز لە بنکەی پۆلیسەگە کرد، وهەسی تەقینەوە لەناوی، وداوا لە نارەزایەگان کردن ک دویرەو بکەفن.

تڕامپ لەبان تویتەر وت؛ ئەرا کونترۆڵ  دۆخەگە و ئەرا جیوەجیکردن ئەرکەگە وەشیوەیگ گونجیاگ , پاسەوان نیشتمانی کل کەێد، ئەگەر جیکۆب فڕای  وەرپرس شارەوانى کۆنترۆل شآرەگە نەکرد.