ل دهۆكێ دهمژمرێن دابینكرنا كارهبێ كێم بووینه
رێڤهبهرێ بهلاڤكرنا كارهبێ ل پارێزگهها دهۆكێ دیاركركو ههیڤانه ژى ئهم دچینه پتر ژ 200 مالان ههر كهسهكێ زێدهگاڤی كریبت دهێته سزادان وبهردهوام دوڤچوون لسهر نههێلانا زێدهگاڤیێن كارهبێ دهێته كرن".
سهفهر تهییب، رێڤهبهرێ بهلاڤكرنا كارهبێ ل پارێزگهها دهۆكێ بۆ (باسنیوز) دیاركر: "پشتى پێلهكا سهرمایێ دهڤهر ڤهگرتى، راستى گهلهك بارگرانی لسهر كارهبێ دروست بوویه ژبهر ڤێ چهندێ ژى دهمژمێرێن دابینكرنا كارهبێ كێم بووینه، كو ل وهرزێ هاڤینێ پتر ژ 17 دهمژمێران هندهك جاران ژى 23 دهمژمێران كارهب مه دایه وهلاتیان. لێ ل وهرزێ زڤستانێ ژى ئهڤ رێژا كارهبێ بهرهڤ كێمبوونێ چوویه. نها 12 ههتا 13 دهمژمێران رۆژانە مه كارهب ههیه. داخازى لسهر زێدهبوویه لهورا ژى چهند دهمژمێران كێم بووینه".
خویا ژى كر: "نۆكه ههموو ژێدهرێن ژیانێ یێن كهڤتینه سهر هێزا كارهبێ یا چوویه ههموو وارهكێ ژیانێ دا ئێدى پێدڤیا خهلكێ ب كارهبێ زێدهبوویه. بتایبهتى ژى وهرزێ زڤستانێ دا چونكو ناڤمال وئاڤ گهرمكرن و گهلهك كارێن دى یێن كهڤتینه سهر هێزا كارهبێ. پێدڤیه وهلاتى ژى ههڤكاربن ئابۆرى دمهزاختنا كارهبێ دا بكهن".