English | عربي

سەدان كەس لەسەر بە ڕۆژوو نەبوون دەستگیر دەكرێن


سەدان كەس لەسەر بە ڕۆژوو نەبوون دەستگیر دەكرێن

2019/05/26 | 22:00

(هەواڵ كوردستان)-  

ئەمڕۆ یەكشەممە بەڕێوەبەرایەتی پۆلیسی فریاكەوتنی بەغدا ئاشكرای كرد لە ماوەی مانگی رەمەزاندا 419 كەس دەستگیر كراون، بە زۆری بە هۆی بەڕۆژوو نەبوون و شكاندنی یاساكانی هاتوچۆ و پێشێلكردنی ئاسایشی گشتی بووە.

محەمەد روبەیعی بەڕێوەبەری پۆلیسی فریاكەوتنی بەغدا لە بەیاننامەیەكدا رایگەیاندووە كە بە شێوەی بەردەوام كاروانەكانی پۆلیس لە هەردوو بەری كەرخ و رەسافەی بەغدا دەسوڕێنەوە و ڕێوشوێنی ئەمنی دەگرنەبەر بۆ پاراستنی ئاسایش و ئارامی، هەروەها بۆ دڵنیاكردنەوەی هاووڵاتیان.

ئەوەشی گوتووە كە هێزەكانیان بە شێوەی لەناكاو كەسانی پێشێلكاری ئاسایش و تێكدەرانی سەقامگیری دەستگیر دەكەن، لە هەر شوێنێك پێویست بكات خاڵی پشكنین دادەنێن، لەمبارەوە 419 كەس بە چەندین تۆمەتی جیاواز دەستگیر كراون.

بەڕێوەبەری پۆلیسی فریاكەوتنی بەغدا ئاماژەی بەوە داوە ئەوانەی دەستگیر كراون بە هۆی بە ڕۆژوو نەبوون، سەرخۆشی، هەڵگرتنی چەكی بێ مۆڵەت و لێخوڕینی نایاسایی بووە.








نیشانەکردن



زۆرترین






ڤیدیۆ- وێنە





Trending