English | عربي

سەرۆک کۆمار پێشوازی لە پارێزگاری نوێی موسڵ کرد


سەرۆک کۆمار پێشوازی لە پارێزگاری نوێی موسڵ کرد

2019/05/27 | 17:00

(هەواڵ كوردستان)- خەندان-ئەمڕۆ دوو شەممە سەرۆک کۆمار د.

بەرھەم ساڵح لە کۆشکی سەلام لە بەغدا پێشوازی لەمەنسور مرعید پارێزگاری نوێی موسڵ و سەرۆکی زانکۆ و سەرۆکی شانەی قەیرانەکانی موسڵ د.

مزاحم خەیات کرد.له‌ دیداره‌كه‌دا سەرۆک بەرھەم ساڵح پیرۆزبای لە پارێزگاری نوێ موسڵ كرد به‌بۆنه‌ی وەرگرتنی متمانەی ئەنجومەنی پارێزگا و له‌ هه‌مان كاتدا هیوای سه‌ركه‌وتنی بۆ خواست له‌ خزمه‌تكردنی هاووڵاتیانی شاره‌كه‌.

داواشی كرد به‌رده‌وام بن له‌ پرۆسه‌ی ئاوه‌دانكرده‌نه‌وه‌ی موسڵھاوکات، سەرۆک کۆمار رۆڵی د.

مزاحم خەیات و ئەندامانی شانەی قەیرانەکانی شاری موسڵی به‌رزنرخاند، كه‌ لە ماوەی جێبەجێکردنی کارەکانیاندا خزمەتی پرۆسەی ئاوەدانکردنەوەی شارەکەیان كردوه‌، داواشی كرد به‌رده‌وام بن له‌ پرۆسه‌ی ئاوه‌دانكرده‌نه‌وه‌ی موسڵ.جه‌ختی كرده‌وه‌ لە گرنگی پەلەکردن له‌ دووبارە ئاوه‌دانكردنه‌وه‌ و بنیادنانی موسڵهه‌ر له میانی دیدارەکەدا سەرۆک کۆمار جه‌ختی كرده‌وه‌ لە گرنگی پەلەکردن له‌ دووبارە ئاوه‌دانكردنه‌وه‌ و بنیادنانی موسڵ و گێڕانەوەی مۆرکی مێژویی و شارستانی و ڕۆڵی نیشتمانی بۆ شارکە، هه‌روه‌ها ئاماژەی بەوەکرد کە بونیادنانەوەی موسڵ پێویستی بە یەکخستنی ھەوڵی هه‌مووانه‌‌، داواشی كرد كه جیاوازییه‌كان وه‌لانێن كه‌ ئاسه‌واره‌كانی لە سەر شارەکە و خەڵکەکەی بەجێ ھێشتوە، بەتایبەتی کە موسڵ ھێشتا بە دەست پاشماوەی گروپە تیرۆریستیەکانی داعشەوە دەناڵێنێت.شاری موسڵ پێویستی بە پشتیوانی حکومەت و کۆمەڵگەی نێودەوڵەتییەسەرۆک کۆمار ئاماژەی به‌وه‌شدا کە شاری موسڵ پێویستی بە پشتیوانی حکومەت و کۆمەڵگەی نێودەوڵەتییە و ئامادەیی خۆیشی نیشاندا بۆ خستنەگڕی گشت تواناکانی لە پێناوی دووبارە بونیادنانەوەی پارێزگاکە.لەلای خۆیەوە پارێزگاری نوێی موسڵ، سوپاسی سەرۆک کۆماری کرد بۆ پێشوازیه‌كه‌ی، هه‌روه‌ها جەختیشیکردەوە کە موسڵ پێویستی بە پشتیوانی و دابینکردنی خزمەتگوزارییەکان و ھەلی کارە، دوپاتیشی کردەوە کە ھەنگاوی یەکەم پێویسته‌ ئابوری شارەکە جارێكی تر ببوژێته‌وه‌ و ئاسایش به‌رقه‌رار بێت تێیدا، ئامادەیی خۆیشی ده‌ربڕی كه‌ گشت تواناکانی بخاته‌ گڕ لە پێناو خزمەتکردنی شاری موسڵ و خەڵکەکەی.








نیشانەکردن



زۆرترین






ڤیدیۆ- وێنە





Trending