English | عربي

دهۆك.. بهایێ كاره‌با موه‌لیده‌ى بۆ مه‌ها پێنچ دهێته‌ ده‌ستنیشانكرن


دهۆك.. بهایێ كاره‌با موه‌لیده‌ى بۆ مه‌ها پێنچ دهێته‌ ده‌ستنیشانكرن

2019/05/30 | 23:20

(هەواڵ كوردستان)- ئه‌ندامه‌كێ لیژنه‌یا موه‌لیده‌یان ل دهۆكێ خوه‌ ڤه‌كێشا

لیژنا موه‌لیده‌یان ل پارێزگه‌ها دهۆكێ بۆهایێ ئه‌مپێرێ كاره‌بێ ل دهۆكێ ب (5000) دیناران ده‌ستنیشانكر و جاره‌كا دى نه‌رازیبوونێ هاوولاتیان ل دووڤ خوه‌ هێلان.

 

كاوه‌ عه‌بدولعه‌زیز، ئه‌ندامێ لیژنا موه‌لیده‌یان ل پارێزگه‌ها دهۆكێ ژ جڤاكێ سڤیل بۆ (باسنیوز) دیار كر، ئه‌ڤرۆ رۆژا پێنچشه‌مبى 30/5/2019 لیژنا موه‌لیده‌یان ل پارێزگه‌ها دهۆكێ كۆمبوونا خوه‌ یا هه‌یڤانه‌ ئه‌نجامدا و تێدا بریار هاته‌ دان كو بۆ هه‌ر ئه‌مپێره‌كێ كاره‌بێ 5000 دینار بهێنه‌ ده‌ستنیشانكرن و ئه‌ڤه‌ ژى ل دووڤ خواستا خه‌لكێ دهۆكێ نینه‌ و نه‌رازیبوون په‌یدابووینه‌.

كاوه‌ ئاشكرا ژى كر كو وه‌كو فشاره‌كا نه‌رازیبوونێ ل سه‌ر كار و بهایێ كاره‌با موه‌لیدان ل سنورێ پارێزگه‌ها دهۆكێ، من وه‌كو نووینه‌رێ جڤاكێ مه‌ده‌نی كۆمبوونا هه‌یڤانه‌ یا موه‌لیدان بۆ ڤێ مه‌هێ بجه هێلا و بایكوت كر پشتی بۆ مه‌ دوپات بووی كو غه‌در یا ل خه‌لكێ دهۆكێ دهێته‌كرن.

ناڤری ئه‌گه‌ران دیار دكه‌ت و دبێژیت: "بهایێ ئه‌مپێرێ كاره‌بێ 5000 دینارن، 4500 بهایێ ڤێ هه‌یڤێ و 500 دینار وه‌كو قه‌ره‌بوویا خودانێن موه‌لیدان.

ئه‌ڤ بهایه‌ ژی زۆره‌ و دڤیابا حكۆمه‌تێ قه‌رێن به‌رێ یێن موه‌لیدان دابان نه‌كو خه‌لكی.

هه‌روه‌سا ل مه‌ها چووی و بۆ ڤێ مه‌هێ ژی مه‌ بهایێ گازا ژ هه‌میان باشتر بۆ خودانێن موه‌لیدان حساب كریه‌، پشتی دووڤچوونێ بۆ مه‌ دیار 97% خودانێن موه‌لیدا گازا ئه‌رزان و پیس ب كار دئینن.

ئه‌ڤه‌ ژی كارتێكرنێ ل ژینگه‌هێ و په‌یدابوونا ئێشێن په‌نجه‌شێرێ دكه‌ت".

 

هه‌روه‌سا گۆتژی: "ل مه‌هێن بۆری حكۆمه‌تێ هنده‌ك بهایێ كاره‌بێ ژ پێش خه‌لكێ ڤه‌ كربوو به‌هرا خو، لێ مخابن ڤێ هه‌یڤێ هنده‌ك ژ وی قه‌رێ به‌رێ لسه‌ر وه‌لاتی هاتیه‌ سه‌پاندن وئه‌ڤه‌ ژی دگه‌ل ره‌وشا ئابووری یا خه‌لكێ ناگونجیت.

هه‌روه‌سا ڤولتیا كاره‌با هنده‌ك موه‌لیدان زۆر یا لاوازه‌ و نه‌ ل ئاستێ پێدڤی و ستاندارته‌ و هنده‌ك موه‌لیده‌ به‌رده‌وام هه‌لكرنا كاره‌بێ گیروو دكه‌ن پشتی كاره‌با نیشتیمانی دچیت".








نیشانەکردن



زۆرترین






ڤیدیۆ- وێنە





Trending