English | عربي

جۆتیارێن سنوونی ل شنگال نەێرن بەرهەمی خوە دەخلۆدانی رەوانەی تەلەعفەر بكەن


جۆتیارێن سنوونی ل شنگال نەێرن بەرهەمی خوە دەخلۆدانی رەوانەی تەلەعفەر بكەن

2019/06/01 | 11:35

(هەواڵ كوردستان)-

رێڤەبەرێ‌ چاندنێ‌ ل ناحیا سنوونی قەزا شنگال دیار كر جۆتیارێن ئێزدی باوەری نێنە بچنە تەلەعفەر و گەنمێ‌ خوە رادەستی سایلویا تەلەعفەر بكەن.

 

بەرەكات عیسا، رێڤەبەرێ‌ چاندنێ‌ ل ناحیا سنوونی قەزا شنگال بۆ(باسنیوز) دیار كر: "هەتا 480 جۆتیاران ل ناحیا سنوونێ‌ ئەڤ سالا بەرهەمێ‌ دەخلۆدانێ‌ چاندینە نوكە ژی وەرزینی دۆرینێ‌ نێزیك بوویە هیشتا كێشەیا وەرگرتنا گەنمێ‌ نك جوتیاران هەیە نەویرن بچنە تەلەعفەر بۆ دەمێ‌ چەند رۆژان دسرایێ‌ دا بمینن هەتا گەنمێ‌ وان دهێتە وەرگرتن چونكو هیشتا ترسا تیرۆرستێن داعش دلێ‌ خەلكێ‌ دایە ئەو باوەر نوكە نك جۆتیاران دروستنەبوویە ئاسانێ‌ بچنە ناڤ تەلەعفەر دا هەتا گەنمێ‌ خوە بدانە سایلویا تەلەعفەر".

 

خۆیا ژی كر: "بەرێ‌ سالا 2014ێ‌ جۆتیارێن شنگال گەنمێ‌ خوە رادەستی سایلویا شنگال دكرن لێ‌ نوكە سایلویا شنگال ژكاركەڤتینە ژبەر شەری تیرۆرستێن داعش هەتا نوكە نەهاتیە نوژەنكرن لەورا كێشە بۆ جۆتیارێن شنگال دروستبووینە ئەم داخوازی دكەین نوكە ژی دەست ب نوژەنكرنا سایلویا شنگال بهێتە كرن وگرۆپان بهێنە دروستكرن بۆ وەرگرتنا بەرهەمێ‌ دەخلۆدانێ‌ جۆتیاران  بتایبەتی ژی بەرهەمێ‌ گەنمێ‌".








نیشانەکردن



زۆرترین






ڤیدیۆ- وێنە





Trending