English | عربي

قایمقامی شنگال داخوازا تۆماركرنا سكالایێ‌ دكەت


قایمقامی شنگال داخوازا تۆماركرنا سكالایێ‌ دكەت

2019/06/05 | 10:50

(هەواڵ كوردستان)-

سەرۆكێ‌ جڤاتا پارێزگەها مووسل دیار كر پێدڤیە قونسلخانەیا توركیا ل عێراقی دەست ب ئەنجامدانا ڤەكۆلینی بكەت دكەیسا كوشتنا گەنجەكێ‌ ئێزدی دا ل قەزا زاخۆ.

 

سەیدۆ چەتۆ، سەرۆكێ‌ جڤاتا پارێزگەها مووسل دبیان نامەكێ‌ دا دانەك بۆ (باسنیوز) هاتیە دیار كر: "كوشتنا جۆتیارەكێ‌ گەنجەك یێ‌ ئێزدی ب ناڤێ‌ (ئەمین سالح) ژدایكبووی سالا 1998 خەلكێ‌ قەزا شنگال كو ئاوارە ل كەمپا جەم مشكو قەزا زاخۆ ئاكنجیی ببوو وكاری چاندنێ‌ دكر ب تەقەیێن هێزین وەلاتی توركیا ل نیزیك سنۆری هەرێما كوردستانێ‌ و توركیا هاتە كوشتن داخوازی دكەین قونسلخانەیا توركیا ل بەغدا دوسیەیا ڤەكۆلینێ‌ بۆ ڤێ‌ كەیسی ڤەكەت پێرابوون بهێنە وەرگرتن و كەس و كارێن قوربانێ‌ ژی بهێنە قەرەبوو كرن".

 

مەحما خەلیل، قایمقامێ‌ قەزا شنگال ژی ل سەر كەیسا كوشتنا گەنجەكێ‌ ئێزدی یێ‌ كارێ‌ چاندنێ‌ ل زاخۆ دكر هاتە دەنگ و بیاننامەك بەلاڤ كر و تێدا داخوازی ژ عێراقی  ڤەكۆلینێ‌ دكەت ب فەرمێ‌ داخوازا ڤەكۆلینێ‌ ژ وەلاتی توركیا بهێتە كرن وسكالا لسەر  ڤێ‌ كەیسا كوشتنا جۆتیارەكێ‌ ئێزدی ل قەزا زاخۆ بهێتە تۆماركرن و داخوازی ژ جڤاتا نوونەران و وزارەتا دەرڤە دكەین دوڤچوونێ‌ ڤێ‌ كەیسیدا بكەن".








نیشانەکردن



زۆرترین






ڤیدیۆ- وێنە





Trending