2017/09/24 | 16:00

بەوێنە.. لە تەواوی قوتابخانەکانی سلێمانی وێستگە و سندوقی دەنگدان دانراوە

(هەواڵ كوردستان)-

 

ئەمڕۆ یەک شەممە ٢٤⁄٩⁄٢٠١٧ لە تەواوی قوتابخانەکانی سنووری پارێزگای سلێمانی و دەوروبەری، وێستگە و سندوقی دەنگدان بۆ پڕۆسەی ڕیفراندۆمی سەربەخۆیی ھەرێمی کوردستان دانرا.

 

دیاری نەسرەدین، یاریدەدەری بەڕێوبەری گشتیی فەرمانگەی کۆمسیۆنی باڵای ھەڵبژاردن و ڕاپرسی، بە (باسنیوز)ی ڕاگەیاند: "ئامادەکارییەکانی کۆمسیۆن بۆ ڕۆژی دەنگدانی ڕیفراندۆم تەواو بووە، ھەروەھا ئەمڕۆ یەکشەممە 24/9/2017 لە تەواوی قوتابخانەکانی پارێزگای سلێمانی و دەوروبەری سندوق و وێستگەی دەنگدان دانراوە".

 

یاریدەدەری بەڕێوبەری گشتیی فەرمانگەی کۆمسیۆنی باڵای ھەڵبژاردن و ڕاپرسی، ئەوەشی خستە روو: "بنکەی تایبەتی دەنگدان لە خانەی بەساڵاچوان، نەخۆشخانەکان، گرتووخانەکان دانراوە، بۆئەوەی ھەموو کەسێک بەشداری دەنگدان بە ڕیفراندۆم بکات وھێچ کەسێک مافی دەنگدانی نەفەوتێت".

 

ئاشکراشی کرد کە بەپێی ڕێکارە کارگێڕییەکانی کۆمسیۆنی باڵای ھەڵبژاردن و ڕاپرسی 74 ناوەندی دەنگدان و 514 بنکەی گشتی و 2 ھەزار و 779 وێستگەی دەنگدان دانراوە، ھەروەھا ھەزار و 259بنکە تەنیا لە ناو شاری سلێمانی دانراوە.

 

گوتیشی: "سبەی دوو شەممە ٢٥⁄٩⁄٢٠١٧ ھاونیشتمانییان دەتوانن لە کاتژمێر ٨ی بەیانی تاوەکو سەعات ٦ی ئێوارە سەردانی قوتابخانەکان بکەن، بە مەبەستی دەنگدان بە پڕۆسەی ڕیفراندۆم".

 




نیشانەکردن

كوردستان

زۆرترین

⋙ هێزەکانی سوریای دیموکرات تەواوی شاری ڕەققە لە داعش ڕزگاردەکەن
⋙ میدیاكانی ئه‌مریكا: راده‌ستكردنی كه‌ركووك به‌ ئێران شكستی سیاسه‌تی ئه‌مریكایه‌
⋙ شوان داودی: نەجمەدین کەریم بەپاسەوانەکانی وتووە کێتان دەبێـت بەپارتی بێت لەگەڵم
⋙ سوپای عێراق‌و حەشد دەگەنە ناو سەنتەری مەخمور
⋙ بەهۆی نەدانی باجەوە ئەگەر هەیە رۆناڵدۆ زیندانی بکرێت
adv

ڤیدیۆ- وێنە

⋙ وێنە و زانیاری..پایتەختی بیبەری سور بناسە
⋙ بەوێنە.. توندڕەوێک لە لەندەن بە چەقۆ هێرشی کردە سەر خەڵکی
⋙ وێنە و زانیاری...خانمێک لەگەڵ ٥٤ بوکەڵەدا ژیان بەسەر دەبات

Trending

كوردستان هه‌ولێر
سلێمانی دهۆك
كه‌ركوك هه‌ڵه‌بجه‌
موسڵ عێراق
تورکیا داعش