2017/10/18 | 00:17

میلیشیاکانی حەشدی شەعبی لەناو کەرکووک دەست بە تاڵانکردنی ماڵی کوردان دەکەن

(هەواڵ كوردستان)- ئەو سەرکردانەی یەکێتی کە حەشدیان بردە شارەکە لەو دۆخە بەرپرسیارن

 

بەرپرسێکی ئاسایشی کەرکووک ئاشکرای کرد، میلیشیاکانی حەشدی شەعبی لەناو شاری کەرکووک، هەڵمەتێکی چڕی گەڕان و پشکنینی ماڵی کوردانی نێو شارەکەیان دەست پێکردووە و بەرپرسیارێتیی دۆخەکەشی خستە ئەستۆی ئەو بەرپرسانەی یەکێتی کە حەشدی شەعبییان بردە کەرکووکەوە.

 

ئیدریس رەفعەت، بەرپرسی بەشی حەرەکات لە ئاسایشی کەرکووک (پارتی)، بە (باسنیوز)ێ ڕاگەیاند، ئەو کەسەی لە کەرکووک وەک پارێزگار دانراوە، لەگەڵ بەڕێوەبەری پۆلیسی کەرکووک، هیچ دەسەڵاتێکیان نییە و ئێستا تەنیا حەشدی شەعبی لە کەرکووک باڵادەستن و بە ئارەزووی خۆیان دەچنە نێو گەڕەکە کوردنشینەکان و هەر ماڵێک مەبەستیان بێت، تاڵانی دەکەن و ئاڵتوونی ئافرەتان و کەلوپەلە گرانبەهاکانیان دەبەن.

گوتیشی: ”ئەو تاڵانییەی حەشدی شەعبی لە چوارچێوەی هەڵمەتێکی چڕدا لەژێر ناوی پشکنینەوە ئەنجام دەدرێت“.

 

ئەوەشی ڕوون کردەوە کە ئەو کەسانەی لەناو کەرکووک دان، هیچ ئومێدێکیان نەماوە و سەرەڕای ئەوەی بانگەواز بۆ ئەو هاووڵاتییانەی کەرکووک دەکرێ کە شارەکەیان جێهێشتووە، تاوەکوو بگەڕێنەوە، بەڵام کوردانی ناو کەرکووک ئێستا لە دۆخێکی خراپ دان و ”پەیوەندیمان پێوە دەکەن و دەڵێن ژیانیان پارێزراو نییە“.

 

بەرپرسەکەی ئاسایشی کەرکووک ئاشکرای کرد کە چەکدارانی حەشدی شەعبی لەناو کەرکووکدا بازگەیان داناوە و هەر کوردێک بەلایاندا تێپەڕ ببێت، ”لێی دەپرسن مامەیت یان کاکەیت؟، چەندین ماڵیان پشکنیوە و هەرچەندە ئەو ماڵانە پارتیش نەبووبن، سووکایەتییان پێ کردوون“.

ئیدریس رەفعەت ئەوەشی نەشاردەوە کە هەندێک لە یەکێتییەکانی ناو کەرکووک، لەگەڵ چەکدارانی حەشدی شەعبیدا دەسووڕێنەوە و گوێ بەوە نادەن کە حەشدی شەعبی چی لە بەرامبەر کەرکووک دەکات.

بۆیە بەرپرسیارێتیی سەر و ماڵی هاووڵاتییانی کەرکووکی خستە ئەستۆی ”ئەو بەرپرسە خیانەتکارانەی یەکێتی کە حەشدی شەعبییان هێنایە کەرکووک“.




نیشانەکردن


زۆرترین

⋙ دەرگای دامەزراندنی فەرمانبەران دەکرێتەوە
⋙ 10 هەزار چاودێرى نێوخۆیى چاودێرى هەڵبژاردن له ‌کەرکوک دەکەن
⋙ نێچیرڤان بارزانی: ئەو ئیرهابە فکرییەی لە سلێمانی لەدژی پارتی هەیە لە گۆڕی دەنێین
⋙ موحه‌ره‌م ئینجه‌ی ركابەری ئەردۆغان بۆ سەرۆكایەتی كۆماری توركیا كێیە
⋙ "هاوپەیمانی خەڵک" ئەردۆغانی بۆ پۆستی سەرۆکایەتی کاندید کرد
adv

ڤیدیۆ- وێنە

⋙ بەوێنە.. رووداوێکی هاتوچۆی مەترسیدار لە هەولێر رووی دا
⋙ ڤیدیۆ؛ چۆن ده‌نگ ده‌ده‌یت، هه‌نگاوه‌كانی ده‌نگدان چین؟
⋙ رۆژانه‌ كه‌لوپه‌لى ماڵه‌كه‌یان ده‌فرۆشنڤیدیۆ..چیرۆكى تراژيدى، هه‌ژاریى خێزانێك

Trending