2017/11/17 | 17:17

کۆنتڕۆڵکردنەوەی شاری راوە راگەیەنرا

(هەواڵ كوردستان)- ئەنبار - AA

فەرماندەی فیرقەی ٧ی سوپای عێراق، لیوا روکن نومان عەبد زەوبعی رایگەیاند دوای ئەوەی بەیانی ئەمڕۆ هەینی هێزە عێراقییەکان ئۆپەراسیۆنی کۆنتڕۆڵکردنەوەی ناوەندی شاری راوە-یان دەستپێکرد، کەمێک پێش ئێستا تەواوی شارەکەیان کۆنتڕۆڵکردەوە.

لە لێدوانێکدا بۆ ئاژانسی ئانادۆڵو، زەوبعی گوتی: "هێزێکی هاوبەش لە کە پێکهاتبوو لە فیرقەی ٧ی سوپا لەگەڵ چەکدارانی حەشدی هۆزەکان، شاری راوە(٢٣٠کم رۆژئاوای روومادی)یان داوە کە دوایین پێگەی رێکخراوی تیرۆریستی داعشە لە عێراق، کۆنتڕۆڵ کردەوە.

زەوبعی ئاماژەی بەوەشکرد کە ئاڵای عێراق لەسەر باڵەخانەی قایمقامیەتی شارەکە هەڵکرا.

فەرماندەی فیرقەی ٧ی سوپای عێراق گوتیشی: "لەمیانی کۆنتڕۆڵکردنەوەی راوە ژمارەیەک چەکداری داعش کوژران و ژمارەیەکی دیکەیشیان بۆ بیابانەکان هەڵاتن".

ئەو فەرماندە سەربازییە ئاشکرایشی کرد کە "هێزە عێراقییەکان و فڕۆکە جەنگییەکانی سەر بە هاوپەیمانی نێودەوڵەتی دوای ئەو چەکدارانەی داعش کەوتوون کە لەشارەکەوە بەرەو بیابانەکان هەڵاتن".

بەیانی ئەمڕۆ هەینی هێزە عێراقییەکان ئۆپەراسیۆنی کۆنتڕۆڵکردنەوەی ناوەندی شاری راوە-یان لە پارێزگای ئەنبار دەستپێکرد کە بە دوایین پێگەی رێکخراوی تیرۆریستی داعش لە عێراق دادەنرا.

بڕیارە لە چەند رۆژی داهاتوودا هێزە عێراقییەکان هەڵمەتێکی سەربازیی بۆ کێوماڵکردنی ناوچە بیابانەکانی پارێزگای ئەنبار ئەنجام بدەن بە ئامانجی دەستگیرکردنی چەکدار هەڵاتووەکانی داعش.

رێکخراوی تیرۆریستی داعش لە ناوەڕاستی ساڵی ٢٠١٤ کۆنتڕۆڵی شاری راوەی کرد و لە ئێستادا بە دوایین پێگەی رێکخراوەکە لە عێراق دادەنرا.




نیشانەکردن


زۆرترین

⋙ تەمبەڵی مرۆڤی هاوچەرخ بەرەو مردن دەبات
⋙ لایەنێکی ئیسلامی ئاگربەست رادەگەیەنێ
⋙ لایەنێکی ئیسلامی توندڕەو لە گەڵ ئیسرائیل ئاگربەست رادەگەیەنێ
⋙ ئێمری پشتەڤانێن ئارسینال پشت راست دکەت
⋙ داواکاری گشتیی ئەڵمانیا داوای گەڕانەوەی ئەشواق حەجی دەکات
adv

ڤیدیۆ- وێنە

⋙ ب ڤیدیۆ – كۆمپانیا فه‌يسبووكێ گه‌نجه‌كێ دێره‌لوكێ خه‌لات دكه‌ت
⋙ ڤیدیۆ؛ خێراترین راکەری جیهان دەیەوێت لە تۆپی پێدا ببێتە ئەستێرە
⋙ جەیمس جیفری دەبێتە نوێنەری ئەمریکا بۆ کاروباری سووریا

Trending