2017/11/25 | 13:17

ب ڤیدیۆ: هنده‌ك سۆپێن پێگوهۆڕ بۆ داران كه‌فتنه‌ د بازارى دا

(هەواڵ كوردستان)- ئه‌ڤرۆ نيوز، نه‌وزاد هلۆرى: وه‌كو پێگوهۆڕ بۆ سۆپێن داران، سوپێن كۆمبرێ ل سنورێ قه‌زا ئامێدیێ و شێلادزێ هاتينه‌ بكارئینان كو ئه‌و ژى سیسته‌مه‌كێ توركى و ئوكرانى یه‌ و دو جارا هندى سوپێن داران گه‌رماتیێ دده‌تن و پتر ژى خوه‌ دگریت و تێچویێن وێ ژى كێمترن.

ئه‌حمه‌د شامكى وه‌كو وه‌لاتیه‌ك و بكره‌ك سه‌ره‌دانا سوپێن كومبرێ كریه‌ ل شێلادزێ و دده‌ته‌ دیاركرن كو ده‌ڤه‌را ئامێدیێ، ده‌ڤه‌ره‌كا چیایى و زستانه‌كا گران و دژوار و سار هه‌یه‌ و سوپێن كاره‌ب و نه‌فتێ نكارن به‌رگریا سه‌رما وێ بكه‌ن و بۆ ئه‌ڤرۆ نیوز گۆت: “د نها دا ده‌ستكه‌فتنا داران ژى بۆ سوپێ یا ب زه‌حمه‌ته‌ و ل هه‌موو جهان نینه‌ و ل ده‌ڤه‌رێن مه‌ مه‌ترسیا فروكان ژى هه‌یه‌، به‌لێ بكارئینانا سوپێن كومبرێ تشته‌كێ هه‌رى گرنگ و گونجایه‌ بۆ سه‌رما زڤستانا ئامێدیێ، هاریكاریه‌كا باش یا ژینگه‌هێ یه‌ و پتر ژ هه‌موو جوره‌ سوپێن دن گه‌رمایێ دده‌ت، ئه‌ڤه‌ سه‌ره‌راى كو تشته‌كێ نویه‌ ل كوردستانێ و نێزیكێ 10 سالان خوه‌ دگرن”.

نژیار سنجى خودانێ دكانه‌كا سوپێن كومبرێ يه‌ ل شێلادزێ بۆ ئه‌ڤرۆ نیوز گۆت: “بۆ ئێكه‌مین جاره‌ ل باشوورێ كوردستانێ، بۆ خه‌لكێ ده‌ڤه‌رێ و هه‌موو ده‌ڤه‌ران، مه‌ سوپێن كومبرێ ئیناینه‌ و هزرا ئه‌ڤان سوپان ژى ژ سه‌رمایا ئامێدیێ و ده‌ڤه‌رێ هاتیه‌، به‌دیله‌كێ هه‌رى گرنگه‌ كو شوونا دار و نه‌فت و كاره‌بێ بگریت، ژ به‌ر كو تێچوویا وێ كێمتره‌ و گه‌رماتیا وێ دو به‌رامبه‌ره‌”.

زێده‌تر گۆت: “بهایێ وان د ناڤبه‌را 225 بو 350 هزار دینارایه‌ و كیلویا به‌رێن كومرێ ژى ب 800 دیناران دهێته‌ فروتن، ژ وه‌لاتێن توركیا و ئوكرانیا گه‌هشتینه‌ ده‌ڤه‌رێ، شیانێن خوه‌ گرتنا هه‌تا 10 سالان هه‌یه‌ و گه‌رنتى ژى ل گه‌ل دا هه‌یه‌، هه‌ر كیلویه‌كا به‌رێن كومكرێ هه‌تا سێ ده‌مژمێران ل سه‌ر ئێك گه‌رمایه‌كا دوو به‌رامبه‌ر دده‌تن مالێ.

ئه‌ڤ سال هه‌تا نها ل سنوورێ قه‌زا ئامێدیێ سێ جاران به‌فر بارییه‌ و ئامێدیێ ب ئێك ژ ساردترین ده‌ڤه‌رێن كوردستانێ دهێته‌ هژمارتن ژ به‌ر كو دكه‌ڤیته‌ سه‌ر سنوورێ د ناڤبه‌را باكوور و باشوورێ كوردستانێ و هزار و 400 مه‌تران ژى ل ئاستێ ده‌ریایێ بلنده‌.




نیشانەکردن

كوردستان

زۆرترین

⋙ عەدنان کەرکووکی: تا دۆخەكە نەگەڕێتەوە پێش 16ی ئۆكتۆبەر ناگەڕێینەوە کەرکووک
⋙ ئەڵمانیا لە مەشق و ڕاھێنانیان بە ھێزەکان پێشمەرگە بەردەوام دەبێت
⋙ میلیشیاكانی حه‌شدی شه‌عبی دوو پێشمه‌رگه‌ی رۆژهه‌ڵات ده‌ستگیر ده‌كه‌ن
⋙ ئەندامێکی ئەنجومەنی پارێزگای ھەولێر: کارەکانمان بەپێی ویستی ھاوڵاتیان نەبووە
⋙ باج‌و ڕسومات زیاتر ده‌كات حكومه‌تی هه‌رێم توانای به‌سه‌ر دابه‌شكردنی موچه‌ی فه‌رمانبه‌راندا نه‌ماوه‌
adv

ڤیدیۆ- وێنە

⋙ بەڤیدیۆ.. ھێژا سەڵاح یەکەمین کلیپی خۆی بڵاو کردەوە
⋙ بەڤیدیۆ.. خەڵکی بەفڕۆکە گەشت دەکات کچێک بە جانتا گەشت دەکات
⋙ بەوێنە.. نیان عەبدوڵا گۆرانییەكی نوێ كلیپ دەكات

Trending

كوردستان هه‌ولێر
سلێمانی دهۆك
كه‌ركوك هه‌ڵه‌بجه‌
موسڵ عێراق
تورکیا داعش