2017/12/12 | 17:17

پسپۆڕان: ئامانجی حکوومەتی بەغدا نەفیکردنی دەستکەوتەکانی هەرێمە

(هەواڵ كوردستان)-

دهۆک-KDP.info- حکوومەتی بەغدا بە هەموو شێوەیەک کەوتووەتە دژی هەرێم و چەندین گەماڕۆیشی خستووەتە سەر هەرێم و بە هەموو شێوەیەک دەیەوێت دەستکەوتەکانی گەلی کورد لەناو ببات، پسپۆڕانیش پێیان وایە ئامانجی بەغدا نەفیکردنی دەستکەوتەکانی هەرێمە.

بەغدا بە هەموو شێوەیەک پێشێلی یاسا و بەندە دەستوورییەکان دەکات و بە ناوی سەروەریی یاسا هێرشکردنە سەر هەرێم ئەمەش خۆی لە خۆیدا دژی بەندە دەستوورییە.

لەم بارەوە پسپۆڕی یاساییی و دەستووری و لە هەمان کاتیشدا مامۆستای زانکۆی دهۆکە (ڕەنجبەر شێخۆ) بە ماڵپەڕی فەرمیی پارتی دیموکراتی کوردستانی گوت: 'ئەو گوتانەی (حەیدەر عەبادی) لە یادی دامەزراندنی حزبەکەیدا هەمان ئەو عەقڵیەتی کۆنە کە جاران هەبووە، تەنیا ئامانجیان نەفیکردنی هەرێم بووە و ئەو عەقڵیەتەی کە ئەوان بڕوایان وایە هێشتا کورد هاووڵاتیی پلە دوو و سێیە لە عێراقدا و مافی هیچ شتێک نیە و دەیانەوێت کورد هەمیشە ژێردەستیی ئەو مەرجەعیە و ئەقڵیەتەدا بن.

(ڕەنجبەر شێخۆ) گوتیشی: 'دنیا شایەتی ئەوەیە، کە پێشمەرگە نەبوایە هیچ هێزیک لە نێو عێراقدا نەیدەتوانی داعش لەنێو ببات و ئەگەر پێشمەرگە نەبوایە ئێستا حکوومەتی عێراق لەم بارەدا نەبوو.'

ئەوەیشی گوت: 'بیرمان دێت لە ساڵی ٢٠١٤ کاتێک هێزە عیراقییەکان بەو چەکە قورسەوە چەندین پاریزگای عێراقیان بە ڕووبەرێکی گەورەوە بۆ داعش بەجێ هێشت و هەموو ئەو چەکە بۆ داعش مایەوە، داعشیش بەو چەکەوە بەهێز بوون، کەچی پێشمەرگە بە چەکێکی سووکەوە ئەو هێزەی لەناو برد.'

 

هەر لەو بارەوە (سلێمان شیخ نەبی)، شارەزایی پەیوەندییە نێودەوڵەتییەکانە بە ماڵپەڕی فەرمیی پارتی دیموکراتی کوردستانی گوت: 'حکوومەتی عێراق نە هەر نایەوێت هەرێمی کوردستان بە مافەکانی خۆی بگات، بەڵکو تەنیا ئامانجیان لەنێوبردنی گەلی کوردە و بە هەمان شێوەی حکوومەتەکانی پێشوو مامەڵە لەگەڵ هەرێم دەکات.'

لەم بارەوە (سلێمان شیخ نەبی) گوتیشی: 'حکوومەتی هەرێمی کوردستان لە بەندە دەستوورییەکان دا پێشێلی هیچ بەندێکی نەکردووە، ئەگەر ئەوان ئەمانە بکەنە بیانوو هەر ئەو بەندە لەو دەستوورەدایە کە ئەوانیش دەنگیان بۆی داوە، کەچی ئەوان بە یەک چاو تەماشای دەستوور ناکەن و بەندە دەستوورییەکان بەدڵی خۆیان جیبەجێ دەکەن، ناکریت بەندێک جێبەجێ بکرێت و بەندێکی دیکە پێشل بکرێت، چونکە لە ناوەڕۆکی دەستووردا ئاماژەیان بەوە داوە، کە پێویستە هەموو جێبەجێ بکریت.'

حکوومەتی هەرێم دەڵێت، نزیکەی ٦٠ بەندی دەستووری پێشێل کراوە، یەکیش لەوانە جێبەجێکردنی ماددەی ١٤٠ و چەندین ماددەی تر و ئێستا چەندین بیانوو دەهێنێت، بۆ ئەوەی بودجە و مووچەش نەنێرێت و بە هەموو شێوەیەک چاویان لە نەفیکردنی ناوی هەرێمیشە و دەڵێت پارێزگاکانی باکووری عێراق.'

پەیوەست بەمەش (شێخۆ) گوتی: 'کاربەدەستانی بەغدا لەوە بێهیوا بوونە کە جارێکی دیکە هەرێم بگەڕیتەوە بۆ ژێر باوەشی بەغدا هەر لەبەر ئەوەش ئەوان هەڕەشە لە پێرۆزییەکانی کورد دەکەن، ئەویش کەرکووک و ناوچە کوردستانییەکان و پێشمەرگە، بەڵام ئەگەر ئەوان پێیان چێ بوایە هەرشتێک بە ناوی کوردیشەوە بەسترابایە، نەیادەهێشت.'

کــــاروان بــــاعەدری

 




نیشانەکردن


زۆرترین

⋙ غازی سرووشتیی رووسیا نێوانی ئەڵمانیا و ئەمریكا تێكدەدات
⋙ وەزارەتی کارەبا: بە جێبەجێکردنی پڕۆژە نوێیەکە پێدانی کارەبا زیاتر دەبێت
⋙ لە دوای 16 ئۆکتۆبەرەوە کورد 15 پۆستی لە کەرکووک لەدەستداوە
⋙ بۆ نووسینەوەی پەیڕەوی ناوخۆی پەرلەمان سوود لە پەیڕەوی 22 پەرلەمان وەرگیراوە
⋙ شانده‌كێ هه‌ڤپشك يێ پارتى وئێكه‌تى گه‌هشته‌ به‌غدا
adv

ڤیدیۆ- وێنە

⋙ بەڤیدیۆ؛ پێشبڕکێی نێودەوڵەتی گیابڕین لە رووسیا
⋙ گرتەی ڤیدیۆیی پێکدادانی نێوان پەکەکە و هێزە ئەمنییەکانی تورکیا بڵاوکرایەوە
⋙ بەڤیدیۆ؛ 21 ئەندامی دیکەی گرووپەکەی عەدنان ئۆکتار دەستگیرکران

Trending