2018/01/12 | 23:17

هێزێكی عێراقی لە خورماتوو بە نیازی هێرشە بۆ سەر په‌لكانه‌ و شۆراو

(هەواڵ كوردستان)- به‌رپرسی ناوچه‌ى پارتى: خورماتوو پێویستى به‌ كۆكردنەوەی ئەو هەموو هێزه‌ نیە

به‌رپرسی ناوچه‌ى پارتى له‌ خورماتوو ڕایگەیاند ئه‌و هێزه‌ زۆرەی عێراق كە بۆ خورماتوو هێنراوه‌، بۆ گه‌ڕانه‌وه‌ى ئارامى نیە بۆ خورماتوو، بەڵكو گومانى ئه‌وه‌مان هه‌یه‌ بۆ سه‌ر په‌لكانه‌ و شۆراوە هاتبن، تا هێرش بكەنە سەر هێزە ئاڵا سپیەكە.

ئه‌رسه‌لان عه‌لی به‌رپرسی ناوچه‌ى پارتى له‌ خورماتوو به‌ (باسنیوز)ى ڕاگه‌یاند "له‌ ڕۆژى چوارشه‌ممه‌ى ڕابردووه‌وه‌ هێزێكى (ته‌داخول سه‌ریع) به‌ تانك و هه‌موو جۆره‌ چه‌كێكی قورسه‌وه‌ هاتووه‌ته‌ سنوورى خورماتوو، هه‌روه‌ها له‌ ناو گه‌ڕه‌كه‌كانى خورماتوودا بڵاوه‌یان پێكراوه‌، به‌تایبه‌ت له‌ گه‌ڕه‌كی ڕزگارى كه‌ نزیكى چیاكه‌یه‌، هه‌ندێك له‌ ماڵه‌كانیان كردووه‌ته‌ باره‌گاى خۆیان و زۆرێك له‌ ماڵه‌كانی دیكه‌شیان تاڵان كردووه‌".

ئه‌و به‌رپرسه‌ى پارتى ئه‌وه‌شی ئاشكرا كرد "هێزێكى له‌و شێوه‌یه‌، به‌و هه‌موو چه‌كه‌ قورسه‌وه‌ بۆ پاراستنى خورماتوو پێویست نییه‌، بۆیه‌ گومانى ئه‌وه‌ له‌ هێنانى ئه‌و هێزه‌ ده‌كرێت كه‌ بۆ هێرشكردنه‌ سه‌ر ناوچه‌كانى په‌لكانه‌ و شۆراو و هێزه‌ ئاڵا سپیه‌كه‌ هێنرابێت".

 

خورماتوو ده‌كه‌وێته‌ باشوورى كه‌ركووك، یه‌كێكه‌ له‌ ناوچه‌ كوردستانییه‌كانى ده‌ره‌وه‌ى ئیداره‌ى هه‌رێمى كوردستان، له‌ پاش ڕووداوه‌كانى 16ى ئۆكتۆبه‌رى ساڵى ڕابردوو، كه‌وته‌ ژێر كۆنترۆڵى میلیشیا شیعه‌كانى سه‌ر به‌ حه‌شدى شه‌عبی و به‌و هۆیه‌وه‌ هاووڵاتیانى كوردى شاره‌كه‌ ئاواره‌بوون و سه‌دان خانوویان له‌سه‌ر ده‌ستى ئه‌و میلیشیایانه‌، ته‌قێنرانه‌وه‌ و سووتێنران.




نیشانەکردن


زۆرترین

⋙ دایكا شه‌هیندان.. پارتی خزمه‌ت كریه‌ و دێ ده‌نگێ خوه‌ ده‌مه‌ پارتی
⋙ ڤیسته‌ڤالا پێكڤه‌ژیانێ‌ یا هونه‌ری ل دهۆكێ‌ هاته‌ گێڕان
⋙ بەرنامێ ده‌مژمێر 23 – خه‌له‌كا 8
⋙ مه‌سروور بارزانی.. پارتی و خه‌لكێ كوردستانێ ب خوینا شه‌هیدان كوردستان پاراستی یه‌
⋙ بانگەشەی هەڵبژاردن لە سلێمانی ساردوسڕە
adv

ڤیدیۆ- وێنە

⋙ ب ڤیدیۆ- گەنجەکێ شێلادزێ ب بەرێن حەفت رەنگ گوسکا دروست دکەت
⋙ ڤیدیۆ؛ یارییەکی تۆپی پێ 28-0 کۆتاییهات و یاریزانێک 8 گۆڵی کرد
⋙ عێراق.. سەرۆکی ئەنجوومەنی نوێنەران گەیشتە بەسرە

Trending