2018/01/14 | 22:17

ئەمریکا هێزێکی ئەمنی بۆ کورد دروست دەکات

(هەواڵ كوردستان)-

هاوپەیمانی نێودەوڵەتی راگەیاند بەهەماهەنگی لەگەڵ هێزەكانی سوریای دیموكراتدا، هێزێكی ئەمنی دروست دەكات كە ئەركیان پاراستنی سنوورەکانە.

هاوپەیمانی نێودەوڵەتی دژی داعش كە لەلایەن ئەمریكاوە سەرپەرشتی دەكرێت ئەمڕۆ لە بەیاننامەیەكدا رایگەیاند هێزەكە 30 هەزار شەڕڤان لەخۆدەگرێت و لەژێر فەرمانی هێزەكانی سوریای دیموكراتدا كاردەكات.

زۆربەی هێزەكانی سوریای دیموكرات لە شەڕڤانانی یەكینەكانی پاراستنی گەل و یەكینەكانی پاراستنی ژن پێكهاتوون.

هاوپەیمانی نێودەوڵەتی روونیشیكردەوە ئێستا سەرقاڵی مەشقكردنن بە نزیكەی 230 شەڕڤان، بەڵام ئامانجی كۆتاییان بریتییە لە پێكهێنانی هێزێكی 30 هەزار كەسی.

ئاماژەشیدا بەوەی ئەو هێزانە لە ناوچە سنوورییەكانی سوریایە لەگەڵ توركیا و عێراق، هەروەها لە نزیك دۆڵی روویاری فورات و بەدرێژایی ئەو ناوچانەی رۆژئاوای سوریا جێگیر دەكرێن كە ئێستا لەلایەن هێزەكانی سوریای دیموكراتەوە كۆنترۆڵ كراوە.

ئەم هەنگاوەی ئەمریكا و هاوپەیمانی نێودەوڵەتی هاوكات لەگەڵ نیگەرانی و هەڕەشەکانی توركیا و لەدوایین لێدوانیشیدا رەجەب تەیب ئەردۆغان سەرۆك كۆماری توركیاش هەڕەشەی داگیركردنی شاری عەفرین دەكات و ڕایگەیاندووە "لە چەند ڕۆژی داهاتوودا ئۆپەراسیۆنی عەفرین دەستپێدەکەین". 

ئه‌م بابه‌ته 1011 جار خوێنراوه‌ته‌وه‌‌

PM:09:45:14/01/2018




نیشانەکردن


زۆرترین

⋙ لە 6 مانگدا 472 کەس لە کوردستان بەهۆی ماددەی هۆشبەرەوە دەستگیرکراون
⋙ بیڤەلەرزەکا 5.2 پلە ل ئیندۆنیزیا دا
⋙ نیویۆرک تایمز: تاجپارێزێ سعوودیێ خاشەقچی کوشتییە
⋙ مەی: دانوستاندنێن برێکستێ پێشڤەچوونێن باش دیتینە
⋙ هه‌سه‌ده‌: شه‌رڤانان د 24 ساتان دا 12 تیرۆرست کوشتن
adv

ڤیدیۆ- وێنە

⋙ بەوێنە.. ئەو ھونەرمەندە عەرەبانەی کێشی لەشیان دابەزاندووە
⋙ بەڤیدیۆ.. ژاکان حەمە عەلی یەکەمین کلیپی خۆی بڵاو کردەوە
⋙ وێنە: هاوسەرەکەی یەریڤان بێوەفا دەرچوو

Trending