2018/02/13 | 18:17

سه‌رۆكێ فراكسيۆنا پارتى: عه‌بادى داخوازيێن كوردان ل دۆر بودجه‌ى بجه نائينيت

(هەواڵ كوردستان)- ئه‌ڤرۆنيوز: برياره‌ فراكسيۆنێن كوردستانى ل جڤاتا نوونه‌رێن عيراقێ بۆ جارا دويێ ل گه‌ل حه‌يده‌ر عه‌بادى سه‌رۆك وه‌زيرێن عيراقێ كۆمبن، سه‌رۆكێ فراكسيۆنا پارتى ژى دبێژيت وه‌سا دياره‌ عه‌بادى داخوازيێن كوردان بجه نائينيت.

عه‌ره‌فات كه‌ره‌م، سه‌رۆكێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ گۆت” به‌رى دو رۆژان سه‌ليم جبوورى سه‌رۆكێ جڤاتا نوونه‌ران سه‌ره‌دانا فراكسيۆنێن كوردستانى كر ل دۆر داخوازيێن هه‌رێما كوردستانێ سه‌باره‌ت به‌هرا هه‌رێمێ ژبودجا گشتى يا عيراقێ بۆ سالا 2018″.

عه‌ره‌فاتى دداخۆيانيه‌كا رۆژنامه‌ڤانى دا گۆت ژى” سه‌لێم جبوورى سۆز دا فراكسيۆنێن كوردستانى كو دده‌مێ چه‌ند رۆژێن بهێت دا كۆمبوونه‌كێ دناڤبه‌را سه‌رۆكاتيا جڤاتا نوونه‌ران وسه‌رۆك وه‌زيرێن عيراقێ وسرۆكێن فراكسيۆنێن كوردستانى بۆ دووماهى جار ل دۆر پرسا به‌هرا هه‌رێما كوردستانێ ژ بودجا عيراقێ”.

سه‌رۆكێ فراكسيۆنا پارتى ئاماژه‌ دا كو سه‌رۆكێ جڤاتا نوونه‌ران وهژماره‌كا فراكسيۆنێن دى يێن جڤاتا نوونه‌ران پشته‌ڤانيێ ل داخوازيا فراكسيۆنێن كوردستانى دكه‌ن وهه‌ر دوهى ژى سه‌رۆكێ جڤاتا نوونه‌ران ب شێوه‌كێ فه‌رمى بودجا 2018 هاته‌ ره‌تكرن.

ئاشكراكر ژى” پێناچيت عه‌بادى داخوازيێن كوردان ل دۆر بودجا 2018 بجهبينيت، له‌وما ئه‌وژى وه‌كو كورد نه‌چارن فشارێ بێخنه‌ سه‌ر سه‌رۆكاتيا جڤاتا نوونه‌ران وفراكسيۆنێن دى يێن جڤاتا نوونه‌ران  ب مه‌ره‌ما وى چه‌ندێ كو بودجا 2018 ب وى شێوێ نوكه‌ هاتيه‌ ئاراسته‌كرن بۆ جڤاتا نوونه‌ران، نه‌هێته‌ ده‌ربازكرن وپه‌سه‌ندكرن”.




نیشانەکردن


زۆرترین

⋙ خامنەیی: ھەڤپەیمانێن ئەمریکا ھێرشا دوھی ل ئەھوازێ کرییە
⋙ دهۆك.. وه‌لاتى داخوازێ ژ به‌ربژارێن نوو دكه‌ن گرنگیێ ب ئاڤه‌دانكرنێ بده‌ن
⋙ كوردێن ئێزدى دخوازن ب ده‌نگێن خوه‌ به‌ربژارا خوه‌ ببه‌نه‌ په‌رله‌مانى
⋙ نڤيسينگه‌ها موقته‌دا سه‌در به‌ياننامه‌ك به‌لاڤكر
⋙ بۆ تۆماركرنا د. به‌رهه‌م بۆ سه‌رۆككۆماریێ شاندێ ئێكه‌تیێ ل به‌غدایه‌
adv

ڤیدیۆ- وێنە

⋙ کۆمەڵەی وێنەگرانی کوردستان پێشانگایەک لە پارکی شانەدەر دەکاتەوە
⋙ وێنەی هونەرمەندانی عەرەب لە فیستیڤاڵی الجونة سینەمایی
⋙ بارزان گڕاوی: بایکۆت دەشکێنم و دەبمە نوێنەری هەموو کوردستان

Trending