2018/02/15 | 21:17

عەلی هالۆ: پەیامی عەفرین دەگەیەنینە یوئێن و وڵاتان

(هەواڵ كوردستان)-

عەفرین-KDP.info- نوێنەری فراکسیۆنی زەرد لە شاندی پەرلەمانی کوردستان بۆ عەفرین گوتی، لە سەردانیان بۆ عەفرین ڕاپۆرتێکی تێروتەسەلیان لەبارەی دۆخی عەفرین ئامادە کردووە و داوا لە پەرلەمان دەکەن کۆبوونەوەیەکی تایبەت بە دۆخی عەفرین ئەنجام بدرێت و جگە لەوەش، پەیامی عەفرین دەگەیەننە نوێنەری ھەموو وڵاتان و نەتەوە یەکگرتووەکانیش.

نزیکەی مانگێکە تورکیا ھێرشی زەمینی و ئاسمانیی بۆ سەر عەفرین دەست پێ کردووە و تاوەکو ئێستاش بەردەوامە و وڵاتانیش تاوەکو ئێستا ھیچ ھەڵوێستێکیان نەبووە لەبارەی ئەو ھێرشانە و کوردیش لەوێ بەرگرییەکی زۆر باش دەکات، لە چەند ڕۆژی ڕابردووشدا شاندێکی پەرلەمانی کوردستان، کە لە نوێنەری زۆرینەی فراکسیۆنەکان پێک دەھات سەردانی عەفرینی کرد بۆ پشتگیریکردنی پەرلەمانی کوردستان بۆ ئەو شارە و گەیاندنی برێک ھاوکاریی حکوومەتی ھەرێم بۆ ئەوان.

نوێنەری  فراکسیۆنی زەرد لە شاندی پەرلەمانی کوردستاندا بۆ عەفرین، عەلی ھالۆ، بە ماڵپەڕی فەرمیی پارتی دیموکراتی کوردستانی ڕاگەیاند: "لە سەردانی خۆمان بۆ عەفرین کە چەندین ڕۆژی خایاند ڕاپۆرتێکمان لەبارەی دۆخی عەفرین ئامادە کردووە و ئەمڕۆش گەڕاینەوە بۆ ھەرێمی کوردستان و کۆتایی بە سەردانی ئێمە بۆ ئەو شارە ھات و ڕاپۆرتەکە ئاراستەی سەرۆکایەتیی پەرلەمان دەکەین، بۆ ئەوەی کۆبوونەوەیەکی تایبەت لەبارەی دۆخی عەفرین ئەنجام بدات، چونکە ئێمە لە ڕاپۆرتی خۆماندا ئاماری باشمان دەست کەوتووە لەبارەی کوشتن و بریندارکردنی ھاووڵاتییانی سڤیل و خراپکردنی گوند و وێرانکردنی شوێنی مێژوویی و سووتاندنی ڕەز و باغی ئەو سنوورە."

عەلی ھالۆ گوتی: "جگە لەمەش داوا لە حکوومەت و لایەنەکان دەکەین ھاوکاریی عەفرین بکەن، چونکە عەفرین پێویستی بە ھاوکاریی مرۆیی و ھەڵوێستی نیشتمانی ھەیە و جگە لەوەش لەگەڵ نەتەوە یەکگرتووەکان دادەنیشین و سەردانی کونسوڵخانەکانیش دەکەین و پەیامی عەفرینیان پێ دەگەیەنین."

سەبارەت بە ئاماری قوربانییان و زیانەکان، عەلی ھالۆ گوتی: "بە پێی ئەو ئامارەی بە دەست ئێمە گەیشتووە، تاوەکو ١٠ی ئەم مانگە ١٦٥ ھاووڵاتی شەھید بوون و نزیکەی ٤٠٠ کەسی دیکەش بریندار بوون و ئەو ڕۆژەی ئێمە سەردانمان کردن، ڕۆژی دواتر کاتیۆشەیەک کەوتە خوارەوە لە نزیک نەخۆشخانە، بەمەش ژمارەی شەھیدان بووە ١٦٦ شەھید و تا پێش دوو ڕۆژیش ئامارەکە ھەر بەو شێوەیە بوو."

لەبارەی زیانە ماددییەکانیشەوە ھالۆ ئاشکرای کرد: "زیانە ماددییەکان گەلێک زۆرن و گوندەکانی سەر سنوور زۆر زیانیان پێ گەیشتووە و زۆر ڕەز و باغ سووتان و ژمارەیەکی زۆری ئاژەڵیش لەناو بردراون."

ئەو پەرلەمانتارە ئەوەیشی خستەڕوو: "خەڵکی گوندەکانی سەر سنوور ھەمووی ئاوارە بوونە و لە ناو شاریش خەڵکیک ئاوارە بووە و پێشتریش ٣٠٠ ھەزار کەس لە شام و حەڵەب و شوێنی دیکەوە ئاوارەی عەفرین بوونە، چونکە ئارامترین شوێنی سووریا بووە."

نوێنەری  فراکسیۆنی زەرد لە شاندی پەرلەمانی کوردستاندا بۆ عەفرین ڕاشیگەیاند: "ھەڵوێستی خەڵکی عەفرین لەبارەی سەردانی ئێمە بۆ ئەو شارە زۆر باش بوو و ڕێزی زۆریان گرتین و شارێک لە ژێر تۆپ و فڕۆکە و شەڕێکی قورس بە شایی پێشوازییان لە ئێمە کرد، بۆیە بە شێوەیەک بوو ناتوانین وەسفی بکەین و جگە لەوەش، ئەوان بە ڕۆحی نەتەوەیی  بەرگری دەکەن و مۆراڵیشیان زۆر بەرزە."

بڵند ئیبراھیم

 




نیشانەکردن

كوردستان

زۆرترین

⋙ ئیمانوێل ماكرۆن سەردانی عێراق دەكاتهەوڵە نیوەنگیرییەكانی بۆ چارەسەری كێشەكانی هەولێرو بەغدا چڕدەكاتەوە
⋙ مانچستەر ستی ژ جاما ئێکەتیا ئنگلتەرا هاتە دەرخستن
⋙ بوورانەوەی من و چەرچەفە خوێناوییەكانی دایكم … . بڵند باجەلان
⋙ فەڕەنسا پابەندبوونی خۆی بە ڕێکەوتنە ناوەکییەکەوە دووپات دەکاتەوە
⋙ گفتوگۆی رێگای كوردستان له‌گه‌ڵ سمكۆ محمد له‌باره‌ی (مه‌له‌فی چه‌پ له‌ ئه‌مڕۆی كوردستادا
adv

ڤیدیۆ- وێنە

⋙ نوێنەرانی رۆژهەڵاتی کوردستان رەخنە لە کارنامەی رووحانی دەگرن
⋙ بەوێنە؛ خراپی رێگاوبانی هەولێر
⋙ وێنە.. لەتەقینەوەکەی قامشلۆ ئەندامانی خێزانێک دەبنە قوربانی

Trending

كوردستان هه‌ولێر
سلێمانی دهۆك
كه‌ركوك هه‌ڵه‌بجه‌
موسڵ عێراق
تورکیا داعش