2018/02/15 | 23:17
(هەواڵ كوردستان)-
په‌یڤدارێ رێڤه‌به‌ریا پۆلیسێن پارێزگه‌ها دهۆكێ راگه‌هاند كو زارۆیه‌كێ 8 سالى ب خه‌له‌تیڤه ب چه‌كێ جفتێ ژ لایێ زارۆكه‌كێ 9 سالى ڤه هاتیه كۆشتن.
رائیدێ مافپه‌روه‌ر هێمن سلێمان، بۆ (باسنیوز) دیار كر، ئه‌ڤرۆ رۆژا پێنچشه‌مبى 15/2/2018 ل ده‌مژمێر (7)ـى شه‌ڤێ ل سه‌نته‌رێ ناحیا كه‌له‌كچی، زارۆیه‌كی ب ناڤێ (نزار خلیل اسماعیل) كو ژیێ وی هه‌شت ساڵه گیانێ خوه ژ ده‌ست دایه كو هاتیه كوشتن ژلایێ زارۆیه‌كێ 9 سالی ڤه ب چه‌كێ (جفته) ل ناف مالا خوه دا، پشتی یاری ب چه‌كێ بابێ خوه كری.
ئاشكرا ژى كر كو پشتى روودانێ ئێكسه‌ر په‌رێن ڤه‌كۆلینێ بۆ ڤێ روودانێ ژلایێ بنگه‌هێ پولیسێن كه‌له‌كچی هاتنه ڤه‌كرن ل دووڤ به‌ندێ 411 ژ یاسایا سزایێن عیراقێ و ته‌رمێ وى زارۆى ژى بۆ پزیشكیا داد ل پارێزگه‌ها دهۆكێ هاتیه ره‌وانه‌كرن.