2018/03/14 | 22:17

یڵدرم:

(هەواڵ كوردستان)- باکو - AA

سەرۆکوەزیرانی تورکیا، بینالی یڵدرم لە شاری باکو پایتەختی ئازەربایجان کە بەمەبەستی بەشداریکردن لە شەشەمین کۆربەندی جیھانی باکو سەردانی ئەو وڵاتەی کردووە، لێدوانی بۆ ئاژانسی ھەواڵی APA دا.

یڵدرم لە وەڵامی پرسیارێکی پەیوەندیدار بە قەیرانی سووریا رایگەیاند کە تورکیا بەدرێژای ٩١١ کیلۆمەتر ھاوسنوورە لەگەڵ ئەو وڵاتە، هەر بۆیە پێشھاتەکانی ئەو وڵاتە گرنگە بۆ تورکیا.

سەرۆکوەزیرانی تورکیا رایگەیاند کە حەوت ساڵە شەڕی ناوخۆ لە سووریا بەردەوامە و نزیکەی سێ ملیۆن و ٥٠٠ هەزار ھاووڵاتی سووریا روویان لە تورکیا کردووە.

یڵدرم گوتیشی: "رێکخراوەکانی وەک داعش، پەکەکە، پەیەدە/یەپەگە مەترسین بۆسەر تورکیا.

ئێمە وەک تورکیا چاومان لە بستێک خاکی سووریا نییە.

دەمانەوێت مەترسی لە سووریاوە بۆ سەر وڵاتەکەمان کۆتایی پی بێت.

بۆ ئەمەش ئۆپەراسیۆنی عەفرین ئەنجام درا".

- پەیوەندییەکانی تورکیا و ئەمریکا

یڵدرم رایگەیاند کە لە دوای لەکارلابردنی رێکس تیلەرسن، داھاتووی پەیوەندییەکانی تورکیا و ئەمریکا بە تەواوی پەیوەست دەبێت بە ئەمریکاوە.

سەرۆکوەزیرانی تورکیا، بینالی یڵدرم گوتیشی: "ھێڵی سووری تورکیا ئاشکرایە.

لە بەرەنگاربوونەوەی تیرۆر ئەوەی پێویست بێ دەیکەین.

نابێت ئەمریکا پارێزگاری لە سەردەستەی رێکخراوی تیرۆریستی فەتۆ بکات کە بە زۆر ھەوڵی داوە سیستەمی دیموکراسی تورکیا بگۆڕێت، پێویستە دەستبەجێ رادەستی بکاتەوە.

پێویستە ھەڵوێستێکی ئاشکرا بنوێنێ و وازبھێنێت لە ھەماھەنگی کردن لەگەڵ تیرۆریستان.

پەیوەندی ئەمریکا و تورکیا پەیوەست نییە بە کەسانێکەوە.

پێویستە پرەنسیپەکان داھاتووی پەیوەندییەکان دیار بکەن".




نیشانەکردن


زۆرترین

⋙ میلانیا دێ ژ ترەمپی جۆدا بیت
⋙ تەمبەڵی مرۆڤی هاوچەرخ بەرەو مردن دەبات
⋙ لایەنێکی ئیسلامی ئاگربەست رادەگەیەنێ
⋙ لایەنێکی ئیسلامی توندڕەو لە گەڵ ئیسرائیل ئاگربەست رادەگەیەنێ
⋙ ئێمری پشتەڤانێن ئارسینال پشت راست دکەت
adv

ڤیدیۆ- وێنە

⋙ ب ڤیدیۆ – كۆمپانیا فه‌يسبووكێ گه‌نجه‌كێ دێره‌لوكێ خه‌لات دكه‌ت
⋙ ڤیدیۆ؛ خێراترین راکەری جیهان دەیەوێت لە تۆپی پێدا ببێتە ئەستێرە
⋙ جەیمس جیفری دەبێتە نوێنەری ئەمریکا بۆ کاروباری سووریا

Trending