2018/04/18 | 00:17

نێچیرڤان بارزانی: دیالۆگ تاكه ڕێگه‌چاره‌ی كێشه‌كانه

(هەواڵ كوردستان)- سه‌رۆكوه‌زیرانی هه‌رێمی كوردستان له‌گه‌ڵ شاندێكی باڵای ئه‌مه‌ریكی كۆبووه‌وه‌

له‌میانه‌ی كۆبوونه‌وه‌یه‌كی له‌گه‌ڵ ژماره‌یه‌ك به‌رپرسی باڵای ئه‌مه‌ریكی نێچیرڤان بارزانی سه‌رۆكوه‌زیرانی هه‌رێمی كوردستان ڕایگه‌یاند كه دیالۆگ تاكه ڕێگه‌چاره‌ی كێشه‌كانه و ئاماده‌ییی هه‌رێمی كوردستانیشی بۆ به‌رده‌وامیدان به گفتوگۆ و دیالۆگ له‌گه‌ڵ به‌غدا نیشان دا.

 

ماڵپه‌ری حكوومه‌تی هه‌رێمی كوردستان بڵاویكرده‌وه‌ ئێواره‌ی ئه‌مڕۆ سێشه‌ممه 17/4/2018 نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له برێت مه‌كگۆرگ نێرده‌ی تایبه‌تیی سه‌رۆكی ئه‌مه‌ریكا بۆ هاوپه‌یمانیی نێوده‌وڵه‌تیی دژی داعش و شاندێكی یاوه‌ری كرد كه له دۆگلاس سیلیمان باڵیۆزی ئه‌مه‌ریكا له عێراق، ئه‌ندرۆ پیك یاریده‌ده‌ری جێگری وه‌زیری ده‌ره‌وه‌ی ئه‌مه‌ریكا بۆ كاروباری عێراق و ئێران، كین گرۆس كونسوڵی گشتیی ئه‌مه‌ریكا له هه‌رێمی كوردستان و چه‌ند دیپلۆماتكارێك پێكهاتبوو.

 

له دیدارێكدا كه قوباد تاڵه‌بانی جێگری سه‌رۆك وه‌زیرانی هه‌رێمی كوردستان ئاماده‌ی بوو، شاندی میوان ده‌ستخۆشییان له هه‌نگاوه‌كانی ده‌ستپێكردنی دیالۆگی هه‌ولێر ـ به‌غدا كرد كه بووه هۆكاری ئاساییبوونه‌وه‌ی په‌یوه‌ندییه‌كان و كردنه‌وه‌ی فڕۆكه‌خانه‌كانی هه‌رێم و ناردنی به‌شێك له مووچه‌ی مووچه‌خۆرانی هه‌رێمی كوردستان، هه‌روه‌ها هیوایان خواست هه‌ردوولا گفتوگۆی زیاتر بۆ گه‌یشتن به چاره‌سه‌ری ته‌واوی كێشه‌كان ئه‌نجام بده‌ن.

 

شاندی ئه‌مه‌ریكی دووپاتی كرده‌وه كه له‌سه‌ر په‌یوه‌ندییه‌كانیان له‌گه‌ڵ هه‌رێمی كوردستان به‌رده‌وام ده‌بن و گرنگی و په‌ره‌ی زیاتر به‌و په‌یوه‌ندیانه ده‌ده‌ن.

 

لای خۆیه‌وه نێچیرڤان بارزانی سوپاسی ئه‌و سه‌ردانه و پشتگیریی ئه‌مه‌ریكای بۆ ده‌ستپێكردنی گفتوگۆی هه‌ولێر ـ به‌غدا كرد و جه‌ختی له‌وه كرده‌وه كه دیالۆگ تاكه ڕێگه‌چاره‌ی كێشه‌كانه و ئاماده‌ییی هه‌رێمی كوردستانی بۆ به‌رده‌وامیدان به گفتوگۆ و دیالۆگ نیشان دا.

 

به‌ڕێزیان دووپاتی كرده‌وه كه هه‌رێمی كوردستان گرنگییه‌كی زۆر به په‌یوه‌ندییه‌كانی له‌گه‌ڵ ئه‌مه‌ریكا ده‌دات و هه‌موو ئاسانكاریه‌كیش بۆ بره‌ودانی زیاتر به په‌یوه‌ندییه‌كان له هه‌موو بواره‌كاندا ده‌ربڕی.

 

له به‌شێكی دیكه‌ی دیداره‌كه‌دا دۆخی ناوچه‌كه و عێراق و هه‌ڵبژاردنی داهاتووی عێراق خرانه به‌ر باس و گفتوگۆ.




نیشانەکردن


زۆرترین

⋙ لە دوو پارێزگای تورکیا 279 کۆچبەری نایاسایی دەستبەسەرکران
⋙ بەرپرسێکی گۆڕان: یەکێتی چەکدار شەقاوەکەی دەستگیرنەکردووە، چونکە سەر بەخۆیانە
⋙ ئەو پێشێلکاریانەی لە سلێمانی بەرانبەر پارتی دەکرێت
⋙ هندەک ستایلێن کراسێ بووکینیێ ب رەنگی سۆر
⋙ هەکە پارتی و ئێکەتیێ هەردویان بەربژار بۆ پۆستێ سەرۆک کۆمارێ عیراقێ هەبیت، بدیتنا تە کێ پتر شەنس هەیە دەربکەڤیت؟
adv

ڤیدیۆ- وێنە

⋙ وێنەی هونەرمەندانی عەرەب لە فیستیڤاڵی الجونة سینەمایی
⋙ بارزان گڕاوی: بایکۆت دەشکێنم و دەبمە نوێنەری هەموو کوردستان
⋙ پۆلیس: ئه‌وكه‌سه‌ ده‌ستگیركراوه‌ له‌ ڤیدیۆیه‌كدا چه‌كدارێك سووكایه‌تی به‌ گه‌نجێك ده‌كات

Trending