2018/05/04 | 16:17

هێزەکانی فەڕەنسا لە ڕۆژئاوای کوردستان دەمێننەوە

(هەواڵ كوردستان)- سەرۆکی دەستەی ئەرکانی سوپای فەرەنسا رایدەگەیەنێت، کە هێزی وڵاتەکەی لەگەڵ هێزە ئەمریکییەکان لە رۆژئاوای کوردستان دەمێنێتەوە.

ئەمڕۆ هەینی 4ی ئایاری 2018، جەنەڕال فرانسوا لیکوانتەر، سەرۆکی دەستەی ئەرکانی سوپای فەرەنسا بە میدیاکانی وڵاتەکەی راگەیاندووە، کاری لەپێشینەی هێزەکانیان لە رۆژئاوای کوردستان و سووریا ”لەناوبردنی" رێکخراوی تیرۆریستیی داعشە.

فرانسوا لیکوانتەر هەروەها رایگەیاندووە، لەو باوەڕەدا نییە سوپای ئەمریکا هێزەکانی لە رۆژئاوای کوردستان و سووریا بگەڕێنێتەوە وڵاتەکەی پێش ئەوەی کۆتایی بە داعش بهێندرێت.

سەرۆکی دەستەی ئەرکانی سوپای فەرەنسا رەتی کردووەتەوە ژمارە و جۆری ئەو هێزەی وڵاتەکەی لەم دواییانە ناردوویەتییە سووریا ئاشکرا بکات و رایگەیاندووە، ”هێزەکانمان لەگەڵ هێزە ئەمریکییەکان لەوێ دەمێننەوە".

فەرەنسا لە سالی 2015ـەوە لە چوارچێوەی هاوپەیمانیی نێودەوڵەتیی دژی داعش بە 40 فڕۆکەی جەنگی بەشداریی شەڕی دژی ئەو رێکخراوە تیرۆریستییە دەکات و لە ساڵی 2016ش بەشداریکرنی هیزە زەمینییەکانی لە شەڕی دژی داعش لە رۆژئاوای کوردستان، راگەیاندووە.

پێشتر لە رۆژی 29/3/2018، دۆناڵد ترەمپی سەرۆکی ئەمریکا رایگەیاندبوو، کە وڵاتەکەی ”بەم نزیکانە" هێزەکانی لە رۆژئاوای کوردستان و سووریا دەکێشێتەوە.




نیشانەکردن


زۆرترین

⋙ غازی سرووشتیی رووسیا نێوانی ئەڵمانیا و ئەمریكا تێكدەدات
⋙ وەزارەتی کارەبا: بە جێبەجێکردنی پڕۆژە نوێیەکە پێدانی کارەبا زیاتر دەبێت
⋙ لە دوای 16 ئۆکتۆبەرەوە کورد 15 پۆستی لە کەرکووک لەدەستداوە
⋙ بۆ نووسینەوەی پەیڕەوی ناوخۆی پەرلەمان سوود لە پەیڕەوی 22 پەرلەمان وەرگیراوە
⋙ شانده‌كێ هه‌ڤپشك يێ پارتى وئێكه‌تى گه‌هشته‌ به‌غدا
adv

ڤیدیۆ- وێنە

⋙ بەڤیدیۆ؛ پێشبڕکێی نێودەوڵەتی گیابڕین لە رووسیا
⋙ گرتەی ڤیدیۆیی پێکدادانی نێوان پەکەکە و هێزە ئەمنییەکانی تورکیا بڵاوکرایەوە
⋙ بەڤیدیۆ؛ 21 ئەندامی دیکەی گرووپەکەی عەدنان ئۆکتار دەستگیرکران

Trending