2018/07/14 | 14:20

رووداو لە بەسرە: خۆپیشاندەران هەڕەشە دەکەن

(هەواڵ كوردستان)- رووداو - بەسرە خۆپیشاندانەکانی بەسرە تادێت فراوانتر دەبن، خۆپیشاندەران هەڕەشەی داخستنی رێگا سەرەکییەکانی نێوان بەسرە و ناوچەکانی دیکە دەکەن.بێکاری و نەبوونی خزمەتگوزاری، تووڕەیی خەڵکی بەسرەیان گەیاندووەتە لووتکە، بەشێک لە دانیشتووانی ئەم پارێزگایە بەهۆی نەبوونی خزمەتگوزاری سەرەتایی و دەیان کێشەی دیکە، چەند رۆژێکە دەڕژێنە سەر شەقامەکانی پارێزگاکەیان و دەڵێن، تاوەکو حکومەت بە دەنگ داواکانیانەوە نەیەت، شەقامەکان چۆڵناکەن.محەممەد سەید، دانیشتووی بەسرە دەڵێ "كاتێك پرسی داعش هاته‌ ئاراوه،‌ هه‌موومان رۆیشتن بۆ به‌رگریكردن له‌ عێراق و، هیچ پاداشتێكمان وه‌رنه‌گرت، ئه‌مه‌ كێشه‌ نییه، بەڵام ئێستا ئێمه‌ هیچمان بۆ نه‌كراوه‌.

ئێمه‌ وه‌كو وشتر حیسابمان بۆ ده‌كرێت، زێڕمان لێ بارده‌كه‌ن و دڕكمان ده‌رخوارد دەده‌ن".خۆپیشاندەرێکی دیکەی بەسرە بەناوی سه‌جاد عه‌مار دەڵێ "خزمه‌تگوزاری زۆر خراپه.‌ ئاو سوێره،‌ كاره‌با نییه‌ و خزمەتگوزاری نابینین".هه‌ر له‌گه‌ڵ په‌ره‌سه‌ندنی خۆپیشاندانەکان له پارێزگەی ‌به‌سرە و دەوروبه‌ری، سه‌رۆكوه‌زیرانی عێراق لیژنه‌یێكی له‌ پێنج وه‌زیر پێكهێنا بۆ گوێگرتن له ‌داواكارییه‌كانی خۆپیشانده‌ران، خۆیشی به‌سه‌ردانێك گه‌یشته‌ ئه‌و شاره‌، بەڵام خۆپیشانده‌ران دەڵێن هیچ متمانەیەکیان به‌و لیژنەیە نییه‌ و، هەڕەشەی به‌رده‌وامبوون لە خۆپیشاندان دەکەن.شێخ یونس، دانیشتوویێکی دیکەی بەسرەیە و دەڵێ "ئاو سوێره‌، كاره‌با نییه،‌ خەڵكانێكی زۆرمان له‌ زیندانن بێ هۆ، بێكاری زۆره‌ و شه‌قامه‌كان خراپن، هیچ خزمه‌تگوزاریێك بۆ به‌سرە دابیننەکراوە.

ئێمه‌ به‌رده‌وام ده‌بین و ده‌روازه‌ سنوورییه‌كان داده‌خه‌ین، دەست بەسەر كێڵگه ‌نه‌وتییه‌كاندا ده‌گرین و  رێگای خێرا داده‌خه‌ین.

خه‌ڵک ماندوو بوو، چیدی بەرگەناگرێت".به‌سرە به ‌پایته‌ختی ئابووری عێراق داده‌نرێت، كه‌چی دوای 15 ساڵ له‌ حكومڕانیی دوای رووخانی حکومەتی پێشووتری عێراق، وەکو خەڵکەکەی دەڵێن بێكارن و بێ خزمەتگوزارین و تەنیا ژیانێکی سەختیان بینیوە.

 

داڕشتنەوە: هەڵات رێبوار




نیشانەکردن


زۆرترین

⋙ لە 6 مانگدا 472 کەس لە کوردستان بەهۆی ماددەی هۆشبەرەوە دەستگیرکراون
⋙ بیڤەلەرزەکا 5.2 پلە ل ئیندۆنیزیا دا
⋙ نیویۆرک تایمز: تاجپارێزێ سعوودیێ خاشەقچی کوشتییە
⋙ مەی: دانوستاندنێن برێکستێ پێشڤەچوونێن باش دیتینە
⋙ هه‌سه‌ده‌: شه‌رڤانان د 24 ساتان دا 12 تیرۆرست کوشتن
adv

ڤیدیۆ- وێنە

⋙ بەوێنە.. ئەو ھونەرمەندە عەرەبانەی کێشی لەشیان دابەزاندووە
⋙ بەڤیدیۆ.. ژاکان حەمە عەلی یەکەمین کلیپی خۆی بڵاو کردەوە
⋙ وێنە: هاوسەرەکەی یەریڤان بێوەفا دەرچوو

Trending