2018/07/19 | 00:05

هه‌ردو وه‌زاره‌تێن خواندنا بلند ل عيراقێ وكوردستانێ ل سه‌ر چه‌ندين بابه‌تان رێككه‌فتن

(هەواڵ كوردستان)- ئه‌ڤرۆنيوز: وه‌زيرێ خواندنا بلند وڤه‌كۆلينێن زانستى ل هه‌رێما كوردستانێ ئه‌نجامێ سه‌ره‌دانا شانده‌كێ وه‌زاره‌تا ناڤبرى بۆ به‌غدا وكۆمبوونێن ل گه‌ل وه‌زاره‌تا خواندنا بلند يا عيراقى وئێمزاكرنا رێككه‌فتنه‌كێ دناڤبه‌را وان دا راگه‌هاند.

يوسف گۆران، وه‌زيرێ خواندنا بلند ل هه‌رێما كوردستانێ دكۆنگره‌كێ رۆژنامه‌ڤانى دا گۆت” ب مه‌ره‌ما چاره‌سه‌ركرنا وان كێشێن دناڤبه‌را خواندنا بلند ل هه‌رێمێ وخواندنا بلند ل عيراقێ هه‌ين، مه‌ سه‌ره‌دانا به‌غدا وكێشا دانپێدانێ وگوهۆرينا باوه‌رنامێن زانكۆيێن حكومى يێن هه‌رێمێ كو ژلايێ وه‌زاره‌تا خواندنا بلند يا عيراقێ كێشه‌ هه‌بوو، ب تمامى هاته‌ چاره‌كرن، هه‌روه‌سا مه‌ كێشا پشكا هه‌رێمێ ژى دنوونه‌ر وزه‌مالاتا چاره‌سه‌ركر”.

گۆت ژى” كێشه‌كا دى ژى كو مه‌ ريككه‌فتن ل سه‌ر كر، ئه‌وژى پشكا كوردى ل زانكۆيا به‌غدايه‌، چونكى ترسا وێ چه‌ندێ هه‌بوو ئه‌و پشكه‌ بهێته‌ داخستن، له‌وما مه‌ وه‌كو وه‌زاره‌تا خواندنا بلند ل هه‌رێما كوردستانێ 5 كورسيێن ماسته‌رێ وسێ كورسيێن دكتۆرايێ پێ به‌خشين تاكو بهێنه‌ كوردستانێ ومفاى ژێ وه‌ربگرن، هه‌روه‌سا ئه‌م رێككه‌فتنين كو قوتابيێن پشكا كوردى ل زانكۆيا به‌غدا بهێنه‌ كوردستانێ وبۆ ده‌مێ ساله‌كێ بمينن وژبلى خواندنێ، ب تمامى فێرى زمانى كوردى ژى ببن”.

وه‌زيرێ خواندنا بلند ل هه‌رێمێ به‌حسێ وێ چه‌ندێ ژى كر كو هه‌ر ل دووڤ وێ رێككه‌فتنێ، ل ده‌مێ وه‌رگرتنا قوتابيێن رێزا 12 ئاماده‌يى، مه‌ پشك بۆ به‌غدا دانايه‌ وهه‌رێمێ ژى دێ پشك ل به‌غدا هه‌بيت”.

ئاشكراكر ژى كو ئه‌ڤ ساله‌ ژى ل ده‌مێ وه‌رگرتنا قوتابيێن 12 ئاماده‌يى ل زانكۆ وپه‌يمانگه‌هان، قوتابيێن ده‌ڤه‌رێن ناكۆكى ل سه‌ر وه‌كو سالێن بۆرى دشێن داخوازيێ پێشكێش بكه‌ن ول زانكۆ وپه‌يمانگه‌هێن هه‌رێمێ به‌رده‌وام بن ل خواندنێ.




نیشانەکردن


زۆرترین

⋙ تورکیا: ژ 10 ڤێ مەهێ باجا ئەمریکا زێدە بوویە
⋙ : "توركیا و ئێران دەتوانن له‌بواری پیشه‌سازی به‌رگریدا هاریكاری بكه‌ن"
⋙ یوڤێنتوس بۆ ماوەیەکی درێژ پارێزگاری لە پیانیچ دەکات
⋙ کۆمپانیای تۆتاڵی فەرەنسی کۆتایی بە کارکردن لە ئێران هێنا
⋙ ئەمریکا.. 2 سیخۆرێن ئیرانی هاتن گرتن
adv

ڤیدیۆ- وێنە

⋙ ب ڤیدیۆ – تێشتا سپێدا جەژنێ ل گۆندێ بالندا
⋙ بەوێنە.. نادیە موراد هاوسەرگیری کرد
⋙ ب ڤیدیۆ – هه‌موو مێشێن مێشه‌ڤانه‌كێ ب ئه‌گه‌ره‌كێ نه‌دیار مرن

Trending