English | عربي

لیڤەرپوول بەسەرکەوتنێکی گەورە دەستیپێکرد


لیڤەرپوول بەسەرکەوتنێکی گەورە دەستیپێکرد

2018/08/12 | 17:40

(هەواڵ كوردستان)- رووداو - هەولێریانەی لیڤەرپوول بەسەرکەوتنێکی گەورە وەرزی نوێی پرێمەرلیگی دەستپێکرد و لە یانەی وێستهامی بردەوە.لەیەکەم یارییدا لە وەرزی نوێی خولەکەدا لیڤەرپوول لەنێو یاریگە و هاندەرانی میوانداری یانەی وێستهامی کرد و یارییەکەی بە چوار گۆڵی بێبەرامبەر لێبردەوە.لە خولەکی 19 محەممەد سەڵاح یەکەم گۆڵی یانەکەی لە وەرزی نوێدا تۆمارکرد و رێدزی پێشخست، پاشان لە خولەکی 47 بەر لەوەی گێمی یەکەم کۆتاییبێت سادیۆ مانێ گۆڵی دووەمی تۆمارکرد و گێمی یەکەم کۆتاییهات.لەگێمی دووەمدا لە خولەکی 53 سادیۆ مانێ گۆڵی دووەمی خۆی و سێیەمی یانە سوور پۆشەکەی تۆمارکرد، لە خولەکی 88 دانیێل ستوریچ گۆڵی چوارەمیشی تۆمارکرد یارییەکە بە چوار گۆڵی بێبەرامبەر کۆتاییهات و لیڤەرپوول یەکەم سێ خاڵی بەسەرکەوتنێکی گەورە بەدەستهێنا و زەنگی رکابەرییکردنیشی لەسەر پلەکانی پێشەوە لێدا.








نیشانەکردن



زۆرترین






ڤیدیۆ- وێنە





Trending