2018/08/12 | 22:55

فەرماندەی هێزی بەدر لە شنگال: فەرمانی کشانەوەمان بۆ نەهاتووە

(هەواڵ كوردستان)- رووداو - شنگالحەشدی شەعبی بەشێک لە هێزەکانی لە سنووری قەزای شنگال کشاندووەتەوە.

فەرماندەکانی حەشدی شەعبی دەڵێت، ئەوەی هەیە دووبارە بڵاوکردنەوەی هێزەکانیانە.کەتائیب ئیمام عەلی سەر بە حەشدی شەعبی هێزی خۆی لە سنووری شارۆچکەکانی رەبیعە و سنوونێ کشاندووەتەوە. لە دوایین خاڵی سنووری نێوان رۆژئاوای کوردستان و عێراقیش لیوای پێنجی بەدر بە دووری 40 کیلۆمەتر لەو سنوورە جێگربووە و دەڵێت، فەرمانی کشانەوەیان بۆ نەهاتووە.قاسم ئەحمەد عوبەید، فەرماندەی هێزی بەدر لە شنگال بە (تۆڕی میدیایی رووداو)ی راگەیاند "ئێمە لەسەر فەتوای سەید عەلی سیستانی، خودا بیپارێزێت، هاتووینەتە ئێرە.

لیوای پێنجی بەدر هەر لەسەر سنووری سووریا دەمێنێتەوە چونکە هێشتا فەرمانمان بۆ کشانەوە بۆ نەهاتووە ".کوردانی ئێزدی دەڵێن، پێیانخۆشە حەشدی شەعبی کشاوەتەوە و دەیانەوێ پێشمەرگە و هێزە ئەمنییەکانی عێراق ناوچەکە بپارێزن.جەواد کازم، بەرپرسی جموجۆڵەکان لە ئۆپەراسیۆنەکانی حەشدی شەعبی رایگەیاندووە "ئەوەی بەم دواییانە لەبارەی کشانەوەی هێزەکانی حەشدی شەعبی لە پارێزگای نەینەوا باسی لێوەدەکرێت، بەتەواوی دوورە لە راستییەوە".جەواد کازم راشیگەیاندووە، ئەوەی هەیە دووبارە بڵاوبوونەوەی هێزەکانە و بە فەرمان و هاوئاهەنگییە لەگەڵ فەرماندەیی ئۆپەراسیۆنەکان.قەزای شنگال سەر بە  پارێزگای نەینەوایە و دەکەێتە سەر سنووری سووریا.

لە ساڵی 2014 داعش کۆنترۆڵیکرد و کوردانی ئێزدی کۆمەڵکوژ کردن.




نیشانەکردن


زۆرترین

⋙ تورکیا: ژ 10 ڤێ مەهێ باجا ئەمریکا زێدە بوویە
⋙ : "توركیا و ئێران دەتوانن له‌بواری پیشه‌سازی به‌رگریدا هاریكاری بكه‌ن"
⋙ یوڤێنتوس بۆ ماوەیەکی درێژ پارێزگاری لە پیانیچ دەکات
⋙ کۆمپانیای تۆتاڵی فەرەنسی کۆتایی بە کارکردن لە ئێران هێنا
⋙ ئەمریکا.. 2 سیخۆرێن ئیرانی هاتن گرتن
adv

ڤیدیۆ- وێنە

⋙ ب ڤیدیۆ – تێشتا سپێدا جەژنێ ل گۆندێ بالندا
⋙ بەوێنە.. نادیە موراد هاوسەرگیری کرد
⋙ ب ڤیدیۆ – هه‌موو مێشێن مێشه‌ڤانه‌كێ ب ئه‌گه‌ره‌كێ نه‌دیار مرن

Trending