English | عربي

خوەنیشاندەرێن بەسرا دەرگەھێ سەفوان یێ سنوری داخست


خوەنیشاندەرێن بەسرا دەرگەھێ سەفوان یێ سنوری داخست

2018/08/13 | 09:35

(هەواڵ كوردستان)- ئەڤرۆ نيوز: خوەنیشاندەرێن پارێزگەھا بەسرا دەرگەھێ سەفوان یێ سنوری ل گەل وەلاتێ کوێتێ داخست و داخوازا خزمەتگوزاریان کر ونەرازیبوونا خوە دیارکر کو حوکمەتا عیراقێ ل دووڤ داخوازیێن وان نەھاتیە.

سایتێ (روسیا الیوم) دراپۆرتەکا خوە دا کو دوھی بەلاڤبووی دیارکر” خوەنیشاندەرێن پارێزگەھا بەسرا ل باشوورێ عیراقێ دەرگەھێ سەفوان یێ سنوری ل گەل کوێتێ داخست ژئەگەرێ وێ چەندێ کو حوکمەتا عیراقێ داخوازیێن وان بجە نەئیناینە”.

بەلاڤکر ژی کو خوەنیشاندەرێن بەسرا ل تاخێن نێزیکی سنورێ عیراقێ بەر ب دەرگەھێ سەفوان یێن سنوری چوون وئەو دەرگەھێ سنوری کو سنورێ عیراقێ ب وەلاتێ کوێتێ ڤە گرێددەت داخت و رێیا ھاتنوچوونێ دناڤبەرا عیراقێ وکوێتێ نەمایە”.

ئاماژە دا ژی کو خوەنیشاندەران نەرازیبوونا خوە دیارکر ل سەر کێمبوونا خزمەتگوزاریان کو داخوازیێن وان ژ حوکمەتا عیراقێ ئەوە دەلیڤێن کاری بۆ وان بھێنە دابینکرن، ھەروەسا وان خوەنیشاندەرێن بەسرا سۆز دایە کو دبەردەوام بن تاکو داخوازیێن وان ژلایێ حوکمەتا عیراقێ ڤە بھێنە بجھئینان” زێدەتر ژ ھەیڤەکێ ل پارێزگەھێن ناڤەراست وباشوورێ عیراقێ وەلاتی ژبەر نەبوونا خزمەتگوزاریان ونەبوونا دەلیڤێن کاری خوەنیشاندانان ئەنجام ددەن ، سەرەرای وێ چەندێ ل دەمێن بۆری ل چەند دەڤەران گرژی وشەر پەیدابوو وحوکمەتا عیراقی سۆزا وێ چەندێ دابوو ب زووترین دەم چارەسەریان ببینیت وداخوازیێن وەلاتیان بجە بینیت، بەلێ چو پێنگاڤێن ئەرێنی نەھاتینە ھاڤێتن کو ببیتە ئەگەرێ ئارامکرنا رەوشا وان دەڤەران.








نیشانەکردن



زۆرترین






ڤیدیۆ- وێنە





Trending