2018/08/13 | 10:10

رۆمانی نووسەرێكی كورد خەڵاتی یونسكۆ وەردەگرێ

(هەواڵ كوردستان)- رێكخراوی یونسكۆی سەر بە نەتەوە یەكگرتووەكان، خەڵاتی "پەیوەندیی كولتوور و شارستانیەت" دەداتە نووسەری كورد، جەمیل تووران بازیدی.جەمیل تووران كە نووسەرێكی كوردی باكووری كوردستانە و لە یۆنان نیشتەجێیە، رۆژی 4ی ئابی 2018 لەلایەن یونسكۆوە خەڵات كرا.

 

خەڵاتكردنەكەشی بەهۆی رۆمانێكی بوو بە ناوی "ئازاد ناوی منە".  رۆمانەكە باس لە ژیانی گەنجێك دەكات بەناوی ئازاد كە خەڵكی هەڵەبجەیە، دوای كیمیابارانكردنی شارەكە لەلایەن رژێمی بەعسەوە، لەگەڵ خێزانەكەی ئاوارە دەبن و دەچنە ئێران.

پاشان دەچنە توركیا و دواتریش بەرەو یۆنان، بەڵام لە رێگەی یۆنان خانەوادەی ئازاد لێكدەترازێن، ئازاد دەگاتە یۆنان و دایك و باوك و خوشكە بچووكەكەی لەلایەن حكومەتی توركیاوە دەستگیر دەكرێن و دەنێردرێنەوە بۆ عێراق.كتێبی "ئازاد ناوی منە" 400 لاپەڕەیە، لە 2015 بە زمانی یۆنانی چاپ كراوە، وەرگێڕدراوەتە سەر زمانەكانی ئینگلیزی و ئیسپانیش.

بازیدی دەڵێ لە توركیاوە چەند جارێك هەوڵیانداوە كتێبەكە بكەنە كرمانجی، بەڵام هێشتا ئەنجامی نەبووە.

ئەو بە (رووداو)ی گوت كە رۆمانەكەی رووداوێكی راستەقینەیە و لە نزیكەوە قسەی لەگەڵ ئازاد كردووە.

لەبارەی خەڵاتەكەشەوە گوتی: "ئەو خەڵاتە موڵكی كورد و پێشمەرگەیە".




نیشانەکردن


زۆرترین

⋙ تورکیا: ژ 10 ڤێ مەهێ باجا ئەمریکا زێدە بوویە
⋙ : "توركیا و ئێران دەتوانن له‌بواری پیشه‌سازی به‌رگریدا هاریكاری بكه‌ن"
⋙ یوڤێنتوس بۆ ماوەیەکی درێژ پارێزگاری لە پیانیچ دەکات
⋙ کۆمپانیای تۆتاڵی فەرەنسی کۆتایی بە کارکردن لە ئێران هێنا
⋙ ئەمریکا.. 2 سیخۆرێن ئیرانی هاتن گرتن
adv

ڤیدیۆ- وێنە

⋙ ب ڤیدیۆ – تێشتا سپێدا جەژنێ ل گۆندێ بالندا
⋙ بەوێنە.. نادیە موراد هاوسەرگیری کرد
⋙ ب ڤیدیۆ – هه‌موو مێشێن مێشه‌ڤانه‌كێ ب ئه‌گه‌ره‌كێ نه‌دیار مرن

Trending