2017/08/13 | 18:00

بەڕێوەبەرایەتى حەج و عومرە ئاگاداریەک ئاڕاستەی هاوڵاتیان دەکات

(هەواڵ كوردستان)-

بەڕێوەبەری حەج و عومرە لە هەرێمى کوردستان ڕایگەیاند، ٦٨٠ پشکى حەج لە دەرەوەى بەشە فەرمییەکەی بۆ هەرێمى کوردستان دابینکراوە هەر کەس خوازیارە لە ئێستاوە تا بەیانى داوکارى پێشکەش بکات.

بەڕێوەبەرایەتى حەج و عومرەی هەرێمى کوردستان لە بەیاننامەیەکدا ئەمڕۆ ١٣ى ئاب ڕایگەیاند، ٦٨٠ پشکى حەج لە دەرەوەى بەشە فەرمییەکەی بۆ هەرێمى کوردستان دابینکراوە بەڵام لە بەر ئەوەى کاتەکە درەنگە و گرفتى شوێن هەیە بۆیە دەبێت بە پارەى زیاتر  ئەنجامبدرێت.

ئاماژە بەوەشکراوە،  هەر کەسێک ئارەزووى هەیە لە ئێستاوە تا بەیانى ١٤ى ئاب  کاتژمێر ١٢ى نیوەڕۆ پاسپۆرتەکانیان بهێنن  سەردانى  بەڕێوەبەرایەتى حەج و عومرە بکەن.لە بەیاننامەکەدا هاتووە، تێچووى هەر حاجییەک لەم پشکە  نوێیە بڕى ٦٠٠٠ دۆلارە.

ئەوەش وتراوە، هاوڵاتیانى هەڵەبجە و گەرمیان دەتوانن لە بەرێوەبەرایەتى حەج و عومرەى سلێمانى ناویان تۆمار بکەن.

ئەمەش لە کاتێکدایە لە ئێستادا بەشێکى دیارى حاجیانى کورستان گەیشتوونەتە وڵاتى سعودییە و وا بڕیارە سەرجەم حاجیانیش لەم چەند ڕۆژەدا بگەنە ئەو وڵاتە و بە پێی ئەو بەروارەی  ڕاگەیەندراوە ڕۆژى ٣١ی ئاب ڕۆژى وەستان لە عەرەفە دەبێت و  ١ی مانگى ئەیلول  یەکەم ڕۆژى جەژنى قوربان دەبێت.

ئه‌م بابه‌ته 111 جار خوێنراوه‌ته‌وه‌‌

PM:05:08:13/08/2017




نیشانەکردن

كوردستان

زۆرترین

⋙ بەشێک لە ڕاپۆرتی ساڵانەی ڕێکخراوی چاودێری مافەکانی مرۆڤ لەسەر تورکیا
⋙ "ڤه‌كێشانا پارتێن سیاسى ژ حكوومه‌تێ ره‌ڤینه‌ ژ به‌رپرسایه‌تیێ"
⋙ ناوەڕۆكی كۆبوونەوەكەی وەزیری بەرگری روسیاو سەرۆك ئەركانی سوپای توركیا
⋙ ئەمریکا بە فەرمی داوا دەکات تورکیا هێرش نەکات سەر عەفرین
⋙ کورد و سوننە دەتوانن کاتی هەڵبژاردنەکانی عێراق دوابخەن؟
adv

ڤیدیۆ- وێنە

⋙ بەوێنە.. گوڵە سەرنجڕاکێشەکان ببینە
⋙ بەوێنە.. ساردترین شوێنی جیهان
⋙ بەڤیدیۆ: گیراوەیەک چەوری کەڵەکەبوو دەسوتێنێت

Trending

كوردستان هه‌ولێر
سلێمانی دهۆك
كه‌ركوك هه‌ڵه‌بجه‌
موسڵ عێراق
تورکیا داعش