2018/10/14 | 10:20

ب ئازادکرنا برۆنسۆنی پەیوەندیێن تورکیا و ئەمریکا ئاسایی نابن

(هەواڵ كوردستان)- ئه‌ڤرۆ نيوز: چاڤدێرەکێ سیاسی ل وەلاتێ بریتانیا دیار دکەت کو ب ئازادکرنا قەشەیێ ئەمریکی پەیوەندیێن ‏تورکیا و ئەمریکا ئاسایی نابن، چونکو ناکۆکیێن ھەر دو وەلاتان ژ بابەتێ قەشەیی گەلەکێ ‏مەزنترە، چەنکو ئازادکرنا قەشەیێ ئەمریکی ب فەرمانا ئەردۆگانی بوویە و ژ نەچاریێ ئەڤ بریارە ‏ھاتیە دان.‏ ھێمن سەیدی چاڤدێرێ سیاسی ل وەلاتێ بریتانیا بۆ رۆژناما ئەڤرۆ دیار کر کو ئازادکرنا قەشەیێ ‏ئەمریکا ژ بەر گەف و سزایێن ئەمریکا بوو کو بەری نھا ل سەر تورکیا ھاتبوو سەپاندن و ‏ئەردۆگانی نەشیا خوە ل ھەمبەر ڤان سزایان رابگریت و ژ بەر ھندێ ژی ژ نەچاریێ بریارا ‏ئازادکرنا قەشەیی ھاتە دان و گۆت: (رەنگە ھندەک کەس بێژن کو ل ھەمبەر ئازادکرنا قەشەیی دێ ‏ئەمریکا ژی ل ھەمبەر تورکیا نەرم بیت، لێ ئەز باوەر ناکەم تشتەک وەسا ھەبیت، رەنگە ئەمریکا ‏ھندەک سزایێن ل سەر تورکیا راکەت، لێ بۆ ھەموو کەسەکێ ئاشکرایە کو ئالۆزیێن د ناڤبەرا تورکیا ‏و ئەمریکا تنێ گرێدایی قەشەیێ ئەمریکی نینن و ئالۆزی گەلەکێ ژ ھندێ مەزنترن).‏ ناڤھاتی ھەروەسا ئەو یەک ژی دیار کر کو بەری ھەر تشتەکێ نھا ل دۆر سووریێ و ھەروەسا ‏پەیوەندیێن روسیا و تورکیا و بابەتێ کڕینا سیستەمێ موشەکی بووینە ئاریشێن مەزن د ناڤبەرا ‏ئەمریکا و تورکیا دا، ئەمریکا ژی سزایێن گران ل سەر تورکیا سەپاندن و ئابوورێ تورکیا بەر ب ‏ژناڤچوونێ ڤە دچوو، ئەردۆگانی ژی دیت کو نەشێت ل ھەمبەر ڤان سزایان خوە رابگریت و ژ ‏نەچاریێ بریارا ئازادکرنا قەشەیی دایە و گۆت: (لێ ئەردۆگان دخوازیت ئەڤ بابەتە کارتێکرنێ ل ‏رایا گشتی یا تورکیا نەکەت و ژ بەر ھندێ ژی دبێژیت دێ ھێرشی رۆژئاڤایێ کوردستانێ کەت، لێ ‏ئەز باوەر ناکەم کو ئەمریکا بۆ بابەتێ ھێرشکرنا ل سەر رۆژئاڤایێ کوردستانێ ھاریکاریا تورکیا ‏بکەت، چونکو ئەمریکا بەرنامەکێ خوە یێ دەمدرێژ بۆ سووریێ و رۆژئاڤایێ کوردستانێ ھەیە و ‏ھەتا نھا گەلەک کار بۆ ھندێ ژی ھاتیە کرن و باوەر ناکەم ئەمریکا ل ھەمبەر ھەر ھێرشەکا ‏تورکیا بۆ سەر رۆژئاڤایێ کوردستانێ بێدەنگ بیت).‏ چاڤدێرێ سیاسی یێ کورد کو نھا ل بریتانیا دژیت د پشکەکا دی یا ئاخڤتنا خوە دا ئەو یەک ژی ‏دیار کر کو ئازادکرنا قەشەیی ب فەرمانا ئەردۆگانی بوویە، ئەردۆگانی نەشیا تشتێن ل دژی ‏ئەمریکا دگۆت وەسا بکەت و د ئەنجام دا نەچار ما داخوازا ترامپی قەبوول کەت، ب گشتی ‏سیاسەتێن شاش یێن ئەردۆگانی ب تایبەتی ژی بابەتێ پەیوەندیێن ل گەل روسیا وەسا کر ئەمریکا ‏ب توندی تورکیا سزا بدەت، ژ بەر ھندێ ژی ئەز باوەر ناکەم ئازادیا قەشەیی ببیتە ئەگەرێ ھندێ ‏کو پەیوەندیێن وان ھەر زوو ئاسایی ببن و گۆت: (ناکۆکیێن تورکیا و ئەمریکا ل سووریێ، عیراقێ و ‏ب گشتی ل رۆژھەلاتا ناڤین مەزنن و تورکیا گەلەک زیان گەھاندینە ستراتیژیا ئەمریکا ل دەڤەرێ، ‏ژ بەر ھندێ ژی زەحمەتە مرۆڤ بێژیت ئازادیا قەشەیی دێ بارگرانیا نھا ل سەر تورکیا کێم کەت، ‏وەکو من بەری نھا دیار کری بابەت ژ ھندێ مەزنترە).‏




نیشانەکردن


زۆرترین

⋙ لە 6 مانگدا 472 کەس لە کوردستان بەهۆی ماددەی هۆشبەرەوە دەستگیرکراون
⋙ بیڤەلەرزەکا 5.2 پلە ل ئیندۆنیزیا دا
⋙ نیویۆرک تایمز: تاجپارێزێ سعوودیێ خاشەقچی کوشتییە
⋙ مەی: دانوستاندنێن برێکستێ پێشڤەچوونێن باش دیتینە
⋙ هه‌سه‌ده‌: شه‌رڤانان د 24 ساتان دا 12 تیرۆرست کوشتن
adv

ڤیدیۆ- وێنە

⋙ بەوێنە.. ئەو ھونەرمەندە عەرەبانەی کێشی لەشیان دابەزاندووە
⋙ بەڤیدیۆ.. ژاکان حەمە عەلی یەکەمین کلیپی خۆی بڵاو کردەوە
⋙ وێنە: هاوسەرەکەی یەریڤان بێوەفا دەرچوو

Trending