2018/10/14 | 15:10

كوردێن ئێزدی ژبەر نەبوونا ئارامیێ نۆبەداریا مالێن خۆ دكەن

(هەواڵ كوردستان)-

فەرماندێ‌ فەرماندەیا شنگال یا پێشمەرگەهێ كوردستانێ‌ بۆ(باسنیوز) دیاركر:" ئەو خەلكێ شنگال یێن زڤرینە سەر مالێن خۆ نۆبەرداریا مالێن خۆ دكەن بتایبەتی ژی ل دەڤەرا حەردان خەلك ب شەڤێ نۆبەرداریا ل مالێن خۆ دكەن".

 

قاسم شەشۆ، فەرماندێ‌ فەرماندەیا شنگال یا پێشمەرگەهێ كوردستانێ‌ بۆ(باسنیوز) دیار كر: "كوردێن ئێزدی ژبەر نەبوونا ئارامیێ ل دەڤەرا شنگال نۆبەداریا مالێن خۆ دكەن بتایبەتی ژی ئەو گوند وكۆمەلگەهێن كوردێن ئیزدی یێن هەڤسنۆر دگەل گوند و دەڤەرێن عەرەبان چونكو ئێزدیان باوەری ب هێزێن نۆكە  ل شنگال نینە، لەورا خەلك نۆبەداریا مالێن خۆ دكەن.

حكومەتا عێراقێ رێ‌ خۆش دكەت عەرەبان بزڤرینت ئەڤە ژی بوویە جهێ ترسێ بۆ ئێزدیان.

لەورا ئێزدی نۆبەداریا خێزان و مالێن خۆ دكەن ژبەر مەترسیا عەرەبان ".

 

سەعدون موراد قاسم، موختارێ گوندێ حەردان ل قەزا شنگال بۆ(باسنیوز) دیاركر:" دۆرێن (30) مالێن كوردێن ئێزدی یێن ڤەگەریاینە دەڤەرا حەردان.

پتریا خەلكێ نۆبەرداریا خۆ دكەن ژبەر مەترسیا عەرەبان.

ئەم داخاز دكەن رێ‌ نەهێتە دان عەرەبێن دەست د جینوسایدا شنگالێ‌ دا هەی، ڤەگەرنە دەڤەرێ.

ئەم دخوازن هەموو ئەو عەرەبێن خیانەت كرین بهێنە گرتن و دادگەه كرن.

بەردەوام حكومەتا عێراقی كاردكەت بۆ زڤرینا عەرەبان بۆ گوندێ گرشەبەك ل نیزێك حەردان.

هەتا ئەڤرۆكە ژی بەغدا كارنەكریە هەموو خەلكێ‌ ئێزدی ڤەگەرنە حەردان".

 

ئەوژی ئاشكرا كر:" دۆرین دوو هزار كەس  دناڤ 300 خانیان دا ل گوندێ حەردان دژیان لێ‌ تیرۆرستێن داعش ژیان ل دەڤەرێ‌ تێكدان.

مەزنترین زیان گەهاندنا ئێزدیان ل گوندێ‌ كۆچۆ وگوندێ‌ حەردان.

هەتا نۆكە دۆرێن 30 مالان یێن زڤرینە حەردان یێن دیتر هێشتا ل ئاوارەھیێ دژین.

 

زێدەتر گۆت:" ل جینوسایدا شنگال دۆرین 400 كەسێن خەلكێ‌ گۆندی حەردان ژ هەردوو رەگەزان هاتنە  گرتن و رەڤاندن وبێ سەروشینكرن وهەتا نۆكە ژی چارەنڤیسێ هندەك وەلاتیێن دەڤەرا حەردان دیارنینە.

هێشتا ترس دلێ خەلكێ ئێزدی دا هەیە لەورا نۆبەداریا خێزان و مالێن خۆ دكەن ".




نیشانەکردن


زۆرترین

⋙ بۆ دەرکردنی دەستی حزب لە زانکۆی سلێمانی و پێدانی دەرماڵە حەوت هەزار واژۆی خوێندکاران کۆکراوەتەوە
⋙ لە 6 مانگدا 472 کەس لە کوردستان بەهۆی ماددەی هۆشبەرەوە دەستگیرکراون
⋙ بیڤەلەرزەکا 5.2 پلە ل ئیندۆنیزیا دا
⋙ نیویۆرک تایمز: تاجپارێزێ سعوودیێ خاشەقچی کوشتییە
⋙ مەی: دانوستاندنێن برێکستێ پێشڤەچوونێن باش دیتینە
adv

ڤیدیۆ- وێنە

⋙ بەوێنە.. ئەو ھونەرمەندە عەرەبانەی کێشی لەشیان دابەزاندووە
⋙ بەڤیدیۆ.. ژاکان حەمە عەلی یەکەمین کلیپی خۆی بڵاو کردەوە
⋙ وێنە: هاوسەرەکەی یەریڤان بێوەفا دەرچوو

Trending