2018/10/15 | 11:10

مونۆمێنتێ شەھیدێن شەڕێ داعش ل دھۆکێ دێ ھێتە دروستکرن

(هەواڵ كوردستان)- ئەڤرۆ، سالار دۆسکی:‏ رێڤەبەرێ پەیوەندی و راگەھاندنێ ل سەرۆکاتیا باژێڕڤانیا دھۆکێ ئاشکرا کر کو کار بۆ ‏دروستکرنا مونۆمێنتێ شەھیدێن شەڕێ داعش دھێتەکرن و ئەندازیارەکێ باژێڕڤانیا دھۆکێ ‏دیزاینا دروستکرنا ڤی مونۆمێنتی ب دووماھی ئینایە.‏ ئبسماعیل مستەفا، رێڤەبەرێ پەیوەندی و راگەھاندنێ ل سەرۆکاتیا باژێڕڤانیا دھۆکێ دیار کر کو ‏ئەو مونۆمێنتە ل سەر رووبەرێ 43 ھزار و 400 مەترێن ئەردی دێ ھێتە دروستکرن، بلنداھیا ‏وی (42) مەترە و گۆت: “ئەو جھێ بۆ ھاتیە دەستنیشانکرن، دکەڤیتە تەنشت کەلھا نزارکێ و ‏ئەڤ مونۆمێنتە ژ گەلەک پشکا پێک دھێت، وەکو: رێڤەبەری و مۆزەخانەک بۆ جلکێن پێشمەرگێن ‏د شەڕێ دژی تیرۆرستێن داعشێ دا ھاتینە شەھیدکرن و ھەر کەرستەکێ گرێدایی ئەوان کاودانان ‏بیت، دیسا ھۆلێن پێشوازیێ ژی لێ ھەنە بۆ ھەر کەسەکێ سەردانێ بکەت”.‏ رێڤەبەرێ پەیوەندی و راگەھاندنێ ل سەرۆکاتیا باژێڕڤانیا دھۆکێ ئەو ژی گۆت: “د چارچوڤێ ‏وێ مۆزەخانێ دا؛ ھندەک پەیکەر بۆ کەسایەتیێن بەرنیاس د ناڤا پێشمەرگەی دا و د شەڕێ دژی ‏تیرۆرستێن داعشێ دا ھاتینە شەھیدکرن؛ دێ ھێنە دروستکرن، دیسا چەکێ شەھیدان دێ ھێتە ‏نیشادان”.‏ ئسماعیل مستەفا ئاماژە ب وێ چەندێ ژی کر کو ھزرا دروستکرنا ڤێ مونۆمێنتێ ژ ئالایێ ‏کوردستانێ ھاتیە کو (12) تیشکن، بۆرجێ د ناڤ دا دھێتە چێکرن؛ دێ وەکو چیا بیت و ئەڤە ب ‏وێ رامانێ دھێت کو چیا د مۆکومن و کوردستان ھەموو چیانە و رامانا ھێزێ یە، دیسا دێ ‏گەلەک باغچە د ناڤ دا ھەبن و دێ ناڤێن ھەموو شەھیدان ل مونۆمێنتێ ھێتە نڤیسین.‏ ناڤھاتی خویا ژی کر کو جھێن شانوویێ و رێورەسمان ژی دێ د ناڤ دا ھەبن بۆ ھەر ھەلکەفتەکا ‏گرێای ئەڤان روودانان کو کەسەک پەیڤەکێ بخوینیت و جھێ روونشتنا بینەر و بەرھەڤبوویان ‏ژی دێ لێ ھەبیت و گۆت: “ئەڤ مونۆمێنتە ھزرا ئەندازیارەکێ مەیە ب ناڤێ عەلا ‏عەبدولعەزیز”.‏




نیشانەکردن


زۆرترین

⋙ بۆ دەرکردنی دەستی حزب لە زانکۆی سلێمانی و پێدانی دەرماڵە حەوت هەزار واژۆی خوێندکاران کۆکراوەتەوە
⋙ لە 6 مانگدا 472 کەس لە کوردستان بەهۆی ماددەی هۆشبەرەوە دەستگیرکراون
⋙ بیڤەلەرزەکا 5.2 پلە ل ئیندۆنیزیا دا
⋙ نیویۆرک تایمز: تاجپارێزێ سعوودیێ خاشەقچی کوشتییە
⋙ مەی: دانوستاندنێن برێکستێ پێشڤەچوونێن باش دیتینە
adv

ڤیدیۆ- وێنە

⋙ بەوێنە.. ئەو ھونەرمەندە عەرەبانەی کێشی لەشیان دابەزاندووە
⋙ بەڤیدیۆ.. ژاکان حەمە عەلی یەکەمین کلیپی خۆی بڵاو کردەوە
⋙ وێنە: هاوسەرەکەی یەریڤان بێوەفا دەرچوو

Trending