2017/09/17 | 20:00

پەرلەمان گفتوگۆی هەڵگرتنی پاشەکەوتی مووچە دەکات

(هەواڵ كوردستان)-

پەرلەمانی کوردستان پرۆژە بڕیارێکی ئامادەکردووە کە لە رۆژانی داهاتوو دانیشتنی دووەمی پەرلەمانی بۆ سازدەکرێت، بەپێی ئەو پرۆژەیە ئەگەر بڕیاری لەسەر بدرێت پاشەکەوتی مووچە نامێنێت.

بەگوێرەی ئەو پڕۆژە یاسایەی ئاراستەی سەرۆكایەتیی پەرلەمانی كوردستان كراوە و ماڵپەڕی "وشە" بڵاویکردۆتەوە،

لە ماوەی دوو ساڵدا ئەو پارەیەی لە مووچەخۆرانیش بڕدراوە دەدرێنەوە.

لە پرۆژەکەدا هاتووە ئاساییكردنەوەی مووچەی فەرمانبەرانی كوردستان بە لابردن و هەڵوەشاندنەوەی بڕیاری ژمارە (٦٤)ی ئەنجوومەنی وەزیران لە ٣-٢-٢٠١٦ كە تایبەتە بە پاشەكەوتی سەرمووچەی فەرمانبەران، هەروەها گەڕاندنەوەی بڕی مووچەی پاشەكەوتی سەر مووچەی فەرمانبەران لە سەرەتای مانگی كانوونی دووەمی ساڵی ٢٠١٦ تا دوا مانگی پاشەكەوت بە پێی خشتەیەكی بەیانی تا لە ماوەی كەمتر لە دوو ساڵ بگەڕێتەوە بۆ فەرمانبەران.

لە بەشێكی پڕۆژە یاساكەدا هاتووە، فەرمانبەران دەتوانن تا كۆی پاشەكەوتەكانیان بۆ دەگەڕێتەوە، دەتوانن پارە پاشەكەوتكراوەكانیان بۆ دانەوەی قەرزە حكوومەتییەكان و كرێی خانوو و ئاو و كارەبا و خوێندنی تایبەت و حكوومی و خزمەتگوزارییەكان سوودی لێ ببینن، هەروەها مووچە نەدراوەكانی ساڵی ٢٠١٥ و دوایی لە ماوەیەكی دیاریكراودا بۆ فەرمانبەران بگەڕێنرێتەوە.

ماڵپەڕەکە بڵاویکردۆتەوە، لە بەشێكی پڕۆژە یاساكەیشدا هاتووە، بڕیاری (٦٤) ی ئەنجوومەنی وەزیرانی تایبەت بە پاشەكەوت نایاسایی بووە و بەبێ ئاگەداری دەسەڵاتی یاسادانان دەركراوە و سەرجەم ئەو بڕیار و ڕێنوێنی كە لەلایەن ئەنجوومەنی وەزیران و وەزارەتەكانەوە دەركراون بەمەبەستی زیادكردنی باج و سەرانە و ڕسوومات، هەڵبوەشێنرێنەوە و بگەڕێنەوە بۆ دۆخی ئاسایی خۆی، لەسەر ئەنجوومەنی وەزیران و وەزارەتی دارایی و ئابووری پێویستە ئەم پڕۆژە بڕیارە جێبەجێ بكات، ئەم پڕۆژە بڕیارە لە ڕێكەوتی بڵاوكردنەوەی لە ڕۆژنامەی (وەقائیعی كوردستان )دا جێبەجێ دەكرێت.

ئه‌م بابه‌ته 1140 جار خوێنراوه‌ته‌وه‌‌

PM:07:04:17/09/2017




نیشانەکردن


زۆرترین

⋙ لە رۆما خۆپیشاندەران داوای بەهاناوەچوونی کۆچبەرانی نێو دەریا دەکەن
⋙ سلێمانی؛ دایکێک منداڵە خاوەن بڕوانامەکانی لە ماڵەوە دامەزراندووە
⋙ کۆمسیۆن ژمارەی دەنگدەرانی هەرێمی کوردستان ئاشکرادەکات
⋙ قەرەبووی کەسوکاری ئەنفال بەم بڕە پارەیە خەمڵێندرا
⋙ سلێمانی؛ بە چەند پڕۆژەیەکی رێگەوبان قەرەباڵخی شەقامەکان کەمدەکرێتەوە
adv

ڤیدیۆ- وێنە

⋙ ڤیدیۆ؛ گوتەکانی د. مەحموود موعەزەمی لە کۆنفرانسی تێدئێکس
⋙ ب ڤیدیۆ: قەلاندنا هێکێ ل بەر گەرما هەتاڤێ
⋙ هەڵوێستی نوێنەری سیستانی لەبارەی خۆپیشاندانەوە

Trending