2017/09/17 | 22:00

چەندین ده‌زگەهێن راگه‌هاندنێ و رێكخراوان داخوازا چاڤدێری و رومالا ریفراندۆما سەربەخۆیێ كریە

(هەواڵ كوردستان)- ئەڤرۆ نیۆز،زنار تۆڤی: كۆمیسیۆنا بلند یا سه‌ربه‌خۆیا هه‌لبژاردن و راپرسیێ رادگەهاندیە کو 40 ده‌زگەهێن راگه‌یاندنا بیانی و 20 رێكخراوا بۆ روومالكرنا ریفراندۆما سەربەخۆیا هه‌رێما كوردستانێ خۆ تۆمارکریه‌.

شۆرەش حه‌سه‌ن رێڤەبەرێ گشتی یێ فه‌رمانگه‌ها په‌یوه‌ندی و راگه‌هاندنا كۆمسیۆنا بلند یا سه‌ربه‌خۆیا هه‌ڵبژاردن و راپرسیێ ل هه‌رێما كوردستانێ،هژمارا وان رێكخراوێن بیانی و نافخۆ ئاشكرا دکەت یێن کو خۆ بۆ چاڤدێریكرنا پرۆسا ریفراندۆمێ ل هه‌رێمێ تۆمارکریە‌،ل ‌گه‌ل هژمارا وان ده‌زگەهێن راگه‌هاندنێ یێن دڤێت ڤێ پرۆسێ‌ رومال بكه‌ن.

گوت ژی:هژمارا چاڤدێرێن نێڤده‌ولە‌تی و راگه‌هاندنێن بیانی،ئەوێن کو دڤێن چاڤدێریا پڕۆسا ریفراندۆمی بكه‌ن و رومال بكه‌ن، بەردەوام هژمارا وان د زێدەبوونێ دایه‌،هەتا نوکە زێدەتر ژ‌ 40 راگه‌هاندنێن بیانی داخوازیێن خۆ بۆ رومالكرنا پڕۆسا ریفراندۆمێ پێشکێشی كۆمیسیۆنا بلند یا سه‌ربه‌خۆیا هه‌ڵبژاردن و راپرسیێ كرینه‌،ژ وانا‌ نێزیكی 30 ده‌زگەه هاتینە په‌سه‌ند كرن و ئه‌وێن دی ژی ل ڤان رۆژاندا دێ هێنە په‌سه‌ند کرن.

شۆرەش حه‌سه‌نی دیارکریە ژی:زێدەتر ژ 20 رێكخراوێن نێڤده‌وله‌تی داخوازی پێشكێش کرینە‌ بۆ چاڤدێریكرنا پڕۆسا ریفراندۆمێ،پێنج ژ وان رێكخراوا هەتا نوکە هاتینە په‌سه‌ند كرنن،رۆژانه ژی داخوازی‌ بۆ مە دهێن بۆ چاڤدێریكرنێ،هه‌روه‌سا دوماهی ماوە بۆ خۆ تۆماركرنا رێكخراوان هەتا 20 هەیڤێ بوو،بەلێ ئەم دێ‌ بۆ 23 ڤێ هەیڤێ دێ دوماهی ماوێ‌ خۆ تۆماركرنێ درێژ كەین‌ بۆ هندێ کو زۆرترین رێكخراو و كه‌س چاڤدێریێ ل ڤێ پرۆسێ‌ بكه‌ن كو‌ پرۆسه‌یه‌كا گرنگه‌،مە دڤێت زۆرترین پیڤەرێن نێڤده‌وله‌تی ژ‌ روویێ شه‌فافییه‌تێ و چاڤدێریێ ڤە تێدا هه‌بیت.

ئەو ژی گوتیە:بۆ راپرسیێ 11 قه‌وارێن سیاسی بۆ چاڤدێریێ ل ‌ بنگەهێن ده‌نگدانێ خۆ تۆمار كرینه‌،بۆ هه‌لبژاردنا په‌رله‌مانی و سه‌رۆكاتیا هه‌رێمێ ژی كو‌ بریاره‌ ل‌ ئێکی چریا دویێ برێڤە بچیت،سێ قه‌وارێن سیاسی خۆ تۆمار كرینه‌،ئەو ژی قەوارێن کۆمەلا ئیسلامی و قەوارێ دکتۆر بەرهەم سالحی و قەوارەیێ ئەرمەنی.




نیشانەکردن

كوردستان

زۆرترین

⋙ سەرۆک ترامپ: ڕوسیا یارمەتی کۆریای باکوور دەدات لە خۆدزینەوە لە سزاکان
⋙ "په‌رله‌مانى عێراقى به‌رهه‌ڤ نينه‌ كاره‌ساتا شنگال ب جینۆساید ل قه‌له‌م بده‌ت"
⋙ نەیجیریا: لەتەقینەوەیەکی خۆکوژیدا ١٢ کەس کوژراون
⋙ پۆلیسی سلێمانی: هاوڵاتییەکی تەمەن ٤٨ ساڵ کۆتایی بە ژیانی خۆی هێناوە
⋙ ئه‌مريكا پشته‌ڤانيا دانوستاندنێن هه‌ولێر و به‌غدا دكه‌ت
adv

ڤیدیۆ- وێنە

⋙ بەڤیدیۆوە... لە چیلی هێرش كرایە سەر پاپای ڤاتیكان
⋙ بەوێنە.. کچە نمایشکارەکەی ئێران وێنەیەکی نوێی خۆی بڵاو کردەوە
⋙ بەلجیکا داوای "نوێنەرایەتی کورد" لە دانوستاندنەکانی سووریا دەکات

Trending

كوردستان هه‌ولێر
سلێمانی دهۆك
كه‌ركوك هه‌ڵه‌بجه‌
موسڵ عێراق
تورکیا داعش