2017/09/17 | 22:00

فوئاد مەعسووم و عەممار حەکیم گشتپرسی تاوتوێ دەکەن

(هەواڵ كوردستان)- رووداو - بەغدا سەرۆککۆماری عێراق و سەرۆکی رەوتی حیکمە کۆبوونەوە و گشتپرسی و ئەو کۆسپانەی کە دێنە رێی پرۆسەی سیاسیی تاوتوێکران.ئێوارەی رۆژی یەکشەممە 17-9-2017 لە بەغداد، د.

فوئاد مەعسووم، سەرۆککۆماری عێراق پێشوازی لە عەممار حەکیم، سەرۆکی رەوتی حیکمە کرد.بەپێی هەواڵێکی سەرۆکایەتیی کۆماری عێراق لە کۆبوونەوەکدا "بابەتە گرنگەکانی بارودۆخی ئێستا تاوتوێکران، بەتایبەتی پرسی گشتپرسی لە هەرێمی کوردستان و ئەو کۆسپانەی دێنە رێی پرۆسەی سیاسیی، هەروەها رێوشوێنەکانی لێکتێگەیشتن بۆ بەهێزکردنی یەکڕیزی و چەسپاندنی پایەکانی ئۆقرەی و پێکەوە ژیانی نێوان هەموو پێکهاتەکانیش گفتوگۆی لەبارەوە کرا".د.

فوئاد مەعسووم، سەرۆککۆماری عێراق، یەکخستنی هەوڵەکانی دووپاتکردەوە بۆ خۆشکردنی زەمینەی سیاسیی بە ئامانجی دەستپێکردنی دیالۆگ لە نێوان لایەنە سیاسییەکاندا کە رێگەچارەی گونجاو و واقیعی دەستەبەر بکات بۆ کێشەکان بە تایبەتی ئەوەی پەیوەستە بە مەسەلە هەڵپەسێراوەکانی نێوان حکومەتی فیدراڵیی و حکومەتی هەرێمی کوردستانەوە.لەبەرامبەردا عەممار حەکیم، سەرۆکی رەوتی حیکمە ئاماژەی بۆ پێویستی زاڵکردنی زمانی دیالۆگ بەسەر زمانی وروژاندنی گرژیی و ئەو لێدوانانانەی کە دەبنە مایەی زیاتر ئاڵۆزکردنی قەیرانەکان کرد، گوتیشی "هەموانیش کار بکەن بۆ دۆزینەوەی رێگە چارەی کێشەکان".سەرۆکی رەوتی حیکمە، گرنگی دەستپێشخەرییەکەی سەرۆککۆماری عێراقی دوپاتکردەوە بۆ دیالۆگ و هاندانی چارەسەرکردنی کێشە و ناکۆکییەکانی ئێستا بە هێمنیی و بە ئاشتیی.




نیشانەکردن

كوردستان

زۆرترین

⋙ کۆمەکی خەڵکانێک لە کەنەداوە بۆ زەمین لەرزەکەی کوردستان
⋙ پیشەسازیی شەکر تاوانباردەکرێ بە شاردنەوەی زیانەکانی بۆ سەر تەندروستی مرۆڤ
⋙ مەترسیدارترین بکوژەکەی جیهان بناسە!
⋙ چه‌ند چه‌كدارێكی نه‌ناسراو چوار هاووڵاتی له‌ ناحیه‌ی جه‌باره‌ ده‌ڕفێنن
⋙ وەزارەتی دەرەوەی ئەمەریكا: نیگەرانین لەئازادكردنی تۆمەتباری سەرەكی تەقینەوەكەی مۆمبای
adv

ڤیدیۆ- وێنە

⋙ نوێترین وێنەی کۆسرەت ڕەسوڵ لەکاتی شەترەنج کردندا بڵاوبوەوە
⋙ بەوێنە...بەفر بارینی ئەمڕۆ لە هەرێم
⋙ ڤیدیۆ؛ گەنەرز دۆڕا، بەڵام بەیەکەم سەرکەوت

Trending

كوردستان هه‌ولێر
سلێمانی دهۆك
كه‌ركوك هه‌ڵه‌بجه‌
موسڵ عێراق
تورکیا داعش