نرخی نەوت لە بەرزبوونەوەدایه‌

دیجیتال میدیای سپێده‌

نرخی نەوت ئەمڕۆ دووباره‌ بەرزبوونەوەیه‌كی تری بەخۆیەوە بینی، به‌جۆره‌ی بەرمیلێك نەوتی برێنت بە زیاتر لە 111 دۆلار لە بازاڕەكانی جیهاندا مامەڵەی پێوە دەکرێت.

ئەمڕۆ هەینی 15/4/2022، بەرمیلێك نەوتی برێنت بە111 دۆلار و 60 سەنت لە بازاڕەكانی جیهاندا لە مامەڵەدایە، هەروەک نرخی بەرمیلێك نەوتی خاویش بەرزبووەتەوە و بە 106 دۆلار و 40 سەنت مامەڵەی پێوەدەكرێت.

لە ماوەی دواییدا، نرخی نەوت بەردەوام لە ناجێگیرییدایە بەهۆی کاریگەرییەکانی جەنگی نێوان روسیا و ئۆکراین، بەو پێیەی ئەمریکا و هاوپەیمانەکانی بەردەوامن لە سەپاندنی سزای نوێ بەسەر روسیادا لە دەرەنجامی بەرپاکردنی جەنگەکەیدا.