دیجیتال میدیای سپێده
ئێواره‌ی ئه‌م شه‌و، بومه‌له‌رزه‌یه‌ك به‌گوڕی 3.1 پله رێخته‌ر له سنوری قه‌زای كه‌لار رویدا و له‌لایه‌ن به‌شێكی زۆری هاوڵاتیانی قه‌زاكه هه‌ستیپێكراوه.
په‌یامنێری سپێده له كه‌لار پێ راگه‌یاندین ئه‌مشه‌و كاتژمێر 9:48 خوله‌ك 16-4-2022، بومه‌له‌رزه‌یه‌ك به گوڕی 3.1 پله‌ی رێخته‌ر و به‌قوڵایی 11 كیلۆمه‌تر له‌سه‌ر ئاستی روی زه‌وی له سنوری ئیداره‌ی گه‌رمیان رویدا.
وتیشی، بومه‌له‌رزه‌كه دوری 14 كیلۆمه‌تر له سه‌نته‌ری قه‌زای كه‌لاره‌وه دوربوه و له‌لایه‌ن زۆربه‌ی هاوڵاتیانی قه‌زاكه‌شه‌وه هه‌ستیپێكراوه.
تاوه‌كو ئێستا زه‌ره‌ر و زیانه‌كانی بومه‌له‌رزه‌كه نه‌زانراوه و ئیداره‌ی گه‌رمیانیش هیچ راگه‌یه‌ندراوێكی له‌وباره‌یه‌وه بڵاونه‌كردوه‌ته‌وه.