ته‌قینه‌وه‌یه‌كی دیكه‌ له‌ توركیا ڕویدا

له‌ناوچه‌ی گازی ئۆسمان پاشا له‌ئیستانبوڵ، ته‌قینه‌وه‌یه‌ك له‌ته‌نیشت باڵه‌خانه‌یه‌كی پێنج نهۆمی روویدا.

ته‌قینه‌وه‌یه‌ك له‌ته‌نیشت باڵه‌خانه‌یه‌كی پێنج نهۆمی روویدا كه‌له‌نهۆمی یه‌كه‌م ودووه‌میدا، وه‌قفی گه‌نجانی توركیای تیادایه‌ له‌شه‌قامی جه‌نگیز تۆپه‌ل له‌گه‌ڕه‌كی هورییه‌ت. هێشتا هۆكاری ته‌قینه‌وه‌كه‌ نه‌زاندراوه‌.

ته‌قینه‌وه‌كه‌ قوربانی لێ نه‌كه‌وتووه‌ته‌وه‌ وشووشه‌كانی باڵه‌خانه‌كه‌ شكاون.

تیمه‌كانی پۆلیس رێوشوێنی ئه‌منی توندوتۆڵیان گرتووه‌ته‌ به‌ر له‌ناوچه‌كه‌ ولێكۆڵینه‌وه‌كان به‌رده‌وامن.