ئه‌مڕۆ به‌گوێره‌ی داتاكانی بازاڕی جیهانی نه‌وت و دوای كردنه‌وه‌ی بازاڕه‌كان، نرخی نه‌وت به‌رزبوونه‌وه‌ی به‌رچاوی تۆماركرد و به‌راورد به كاتی داخستنی بازاڕه‌كان له ڕۆژانی رابردوو نزیكه‌ی دولارێك به‌رزبووه‌ته‌وه ،نرخی یه‌ك به‌رمیل نه‌وتی خاوی برێنت به 100 دۆلار و 99سه‌نت مامه‌ڵه‌ی پێوه‌ده‌كرێت.
هاوكات به‌رمیلێك نه‌وتی خاوی ته‌كساس به‌رامبه‌ر به 93 دۆلار و 6 سه‌نت مامه‌ڵه‌ی پێوه‌ده‌كرێت و ئه‌ویش به‌هه‌مانشێوه نرخه‌كه‌ی به‌رزبووه‌ته‌وه.
ئه‌مه له كاتێكدایه، له‌ماوه‌ی ڕابردوودا نرخی به‌رمیلێك نه‌وت گه‌یشته زیاتر له 130 دۆلار و، دواتریش دابه‌زییه‌وه خواره‌وه به‌هۆی زیادبوونی ئه‌گه‌ره‌كانی رێككه‌وتنی ئاشتی له نێوان روسیا و ئۆكرانیا.
به‌رزبوونه‌ی نرخی نه‌وت له ئێستادا ده‌گه‌رێته‌وه بۆ لێدوانی به‌رپرسانی سعودیه سه‌باره‌ت به ئه‌گه‌ری كه‌مكردنه‌وه‌ی ئاستی به‌رهه‌مهێنانی نه‌وت، ئه‌گه‌ر هاتوو نرخه‌كانی نه‌وت به‌رده‌وام بن له دابه‌زین.