دیجیتال میدیای سپێده
ژمارەى ئەو کەسانەى لە پاکستان لە ١٤ی حوزەیرانەوە تا ئێستا، بەهۆى باران بارینی وەرزییەوە گیانیان لەدەستداوە، گەیشتە هەزار و ١٦٢ کەس.
بەپێی زانیارییەکانی ئاژانسی ئیدارەی کارەساتی نیشتمانیی پاکستان (NDMA) لە میانی ٢٤ کاتژمێری رابردوودا، ٣٦ کەس گیانیان لەدەستداوە.
لە ١٤ی حوزەیرانەوە تا ئێستا لە سەرانسەری وڵاتەکەدا، بەهۆى کاریگەری بارانبارینی وەرزییەوە، هەزار و ١٦٢ کەس گیانیان لەدەستداوە و سێ هەزار و ٥٥٤ دیکەیش برینداربوون.
هاوکات لە سەرانسەری پاکستاندا، ٣٣ ملیۆن و ٤٠٠ هەزار کەس کەوتوونەتە ژێر کاریگەری بارانبارینی بەخوڕەوە.