هێزە تایبەتەکانی سەربە سوپای ئازەربایجان مانۆڕێکی سەربازیییان لەسەر سنووری ئێران دەست پێ کرد.
وەزارەتی بەرگریی ئازەربایجان لە راگەیەندراوێکدا، ئەوەی خستووەتەڕوو لە مانۆڕەکەدا کە بە رێنمایی فەرماندەی هێزە تایبەتەکان، فەریق حیکمەت میرزەیەڤ ئەنجام دەدرێت، یەکە سەربازییەکان سەربازگەکانیان بەجێهێشتووە و رەوانەی ناوچەکانی باشووری وڵات کراون لە سنوور.
لە راگەیەندراوەکەدا، هەروەها ئاماژە بەوە کراوە لە مانۆڕەکەدا کە بە هەماهەنگی لەگەڵ یەکەکانی هێزی ئاسمانیی و یەکەکانی تۆپهاوێژ و مووشەکهاوێژ بەڕێوەدەچێت، زنجیرەیەک ئەرک ئەنجام دەدرێت.