شەفەق نیوز/ ئامار کوشیاگەیل ئەو زەویلەرزەی مەرگبارە ک دادە تورکیا و سوریا رەسیە نزیکەی ٢٥ هەزار کەس، لەوەختیگ شمارەی زەخمدارەیل رەسیە نزیک ١٠٠ هەزار.
فەخرەدین قوجە وەزیر تەندروسی تورکیا، ئمڕوو شەممە، بەرزەوبوین مردنەیل کارەسات زەویلەرزەگە رەسیە ٢٠ هەزار و ٣١٨ کەس، وەگەرد ٨٠ هەزار و ٨٨ کەس.
قوجە وتیش: میللەت تورک کەفتیەسە وەر کارەساتیگ بیوەرین، دویای دەسوەردان خەڵکەگە ک لەژیر رمیاگەیل رزگار کریان، ٢٠ هەزار زەخمدار بریانە ویلایەتەیلیگتر، تا وە فریاکەفتن ئاسمانی و هشکایی و دەریایی چارەسەر بکریەن.
لە سوریا گشت شمارەی قوربانیەیل رەسیە ٣٥١٣ هەزار ک ٢١٦٦ لەلیان کوشیانە، لەو ناوچەیلە ک خانە دەس ئۆپۆزسیۆن لە باکووری خوەرئاوای وڵاتەگە.
میدیایل راگەیانن فەرمی سوریا،کوشیان ١٣٤٧ کەس لەناوچەیل ژیردەس حکومەت سوریا راگەیانن.
لەلای خوەییش، نەتەوە یەکگرتگەیل دووپات کرد ک نزیکەی ٥.٣ مەلیۆن کەس هاتێ لە سوریا بیماوا بوینە لەوەر زەویلەرزەگە، و ئەوەسا دەسمیەتی ئەرا دابینکردن ماوا خوازن.