شەفەق نیوز/ کۆمپانیایگ لە وڵات چین، بویەسە جی سەرنج میدیایەیل ک لە وەخت چەو وەپیکەفتن کار داوا لە بەشداربویەیل کردیە ماسک بوەسن تا ری روخسار مافیان نەخوریەێد.
وەپای خەوەریگ ماڵپەر ئۆدیتی سێنرراڵ، کۆمپانیای Chengdu Ant Logistics لەوەر بڵاوبوین چەن وینەیگ ک وەلایەن یەکیگ لە بەشداربویەیلی گیریایە تووڕە کۆمەڵایەتیەل چین گردیەسە وەر.
کۆمپانیاگە ئاشکەرایکردیە، ئی کار لەوەر ئەوە کردیە تا هەڵوژاردن ئەو کەسیلە ئەرا کارکردن لە کۆمپانیاگە لە ری روخساریان نەود، و کۆمپانیاگە بڕیارەگەی هەمیش ئەرا هووکاریگ گلەودا ئەویش لەخاتر نەهیشتن هەڵپرکیان و فیشارە ک ئەرا باشداربویەیل دروس بوود لەوەخت چەو وەپیکەفتن.