شەفەق نیوز/ مەزەنەیل کەشناسی، نشان دەن ک هەرێم کوردستان ئەوەسا کەفێدە وەر وارانەیل رفتیگ هەرلە کۆتایی مانگ شوبات و سەرەتای مانگ ئادار ئایندە.
وەگورەی سایت "Aquawezer" جەهانی، مەزەنە کریاگە لەو ماوە واران رفتیگ لە هەرێم کوردستان بوارێد.
سایتەگە دەسنشان کرد ک دەرفەت کەمیگ ئەرا واران لە مانگ شوبات هەس، بیجگە دویادویای مانگەگە ک واران رفتیگ لەناوی وارێد، و وەدرویژی دوو رووژ لە پارێزگای سلێمانی وەردەوامە.
وەرجەیە، شارەزای کەشناسی شاڵاو هیدایەت، لە رووژ سێشەممەی گوزەشتە، هوشداری لە لافاو کرد لەی سێ مانگ ئایندە لە هەرێم کوردستان، و مەزەنە کرد بڕەسێدە سێ قات لە ساڵ گوزەشتە، و گاڵ لە گرنگی جیوەجیکردن ریکارەیل نواگردن کارەساتەیل سرووشتی.