شەفەق نیوز/ لە ڕاپۆرتیگ کە تووڕیگ ئەمریکی ئامادەی کردگە ئاشکرای کردگە، دانیشتگەیل یەکیگ لە دوورگەیل ئیتاڵیا تەمەنیان تا زیاتر لە 100 ساڵ ژیەن، یەیش ئاستیگ بەرزە لە تەمەن کە توومار کریاس، وە وەراورد گەلەیل جەهان و تەنانەت وەگەرد دانیشتگەیل وڵاتەیل ترەک لە شارەیل ئیتاڵیا.
لە ڕاپۆرتیگ کە تووڕ "سی ئێن بی سی" ئەمریکی بڵاوی کردیە ئویشێد "هووکار سەرەکی بەرزی تەمەن دوورگەی سەردینیا، شیواز ژیان و خوەراکی خەڵکە".
لە راپۆرتەگە وتیش: “سەردینیا لە ئیتاڵیا یەکیگە لەو پەنج “ناوچە شین”ەسە لەجەهان، کە ئەو شوینەیلەن کە شمارەی فرەیگ خەڵک لەناوی تا تەمەن 100 ساڵ یا زیاتر ژیەن”.
ئەرا ئی بەساڵاچگەیل سەردینیا، ئەوەگ خوەنەی کار گرنگیگ دیرێد لە درویژکردن تەمەن، بەڵام نیەخوازێد لە ئیتاڵیا بژید ئەرا ئەو سوودە تەندروسیەیلە، بەڵکم توەنید لە هەر شوینیگ بوید تا هەکاتی ئەوان بژیەید، وەگورەی قسەی شارەزایلە کە لەلایەن تووڕەگە باسی کردنە.
دیارترین تایبەتمەنیەیل شیوازی ژیا و خوەراک خەڵک سەردینیا وە چوار چشت کوڵبڕ بوون، کە یانەن:
یەکەم: ئەوەگ وەتەواوی لە مینیوی خوەرام سەردینیا پەیا بوود؛ سەوزە و زەڵاتە و شۆربای فاسۆلیاس وەگەرد نوخوت و تەماتە، بیجگە لە بەرهەمەیل شیر بزن و پەس.
دووەم: خەڵک سەردینیا نانە تەخت و پان خوەن کە لە دان تەواوی تریگۆم دروس کریاس، ریژەی پرۆتینی فرەیگ هاناوی و ریژەی گلوتینی کەمە کە پێکهاتەی سەرەکی مەعکەرۆنی ئیتاڵییە. و خەڵک سەردینیایش رووژانە وەتام چای شیر شۆک دەم کەنەو کە ئویشن جگەر پاکەو کەێد.
سێیەم: کەمتر خواردن، خەڵک سەردینیا فرە خوەشیان لە ئاشکردن تیەێد ، بەڵام وەختیان ئەرا خوەشیکردن وە دەنگ هویوردکردن پیاز و هویوردکردن سیر و هویوردکردن تەماتەی نوو ئەرا سۆس تامدار. ئەگەر وە تەواوی کات کار کەید، کۆتایی هەفتەیلد ئەرا ئەوە دوو یا سێ رووژ لە ماوەی هەفتەگە کەمیگ خوەشی وە ئاشکردن بکەید.
چوارەم: زیاتر بجویل، کە خەڵک سەردینیا وە درەیژایی رووژ گڕوگورجن. ئاگاداری پەسەیلیلدان بوون، شیر بزنەیلیان دووشن.
لە کۆتایی ڕاپۆرتەگە وەی شیوە پێشنیار کەێد "ئەگەر وە درویژایی رووژ لەوەردەم کۆمپیوتەریگ دابنیشید، وەختەگە لەبان ساعەت تا ماوەی ٣٠ تا ٤٥ خولەک بنە تا لە هویرد بوود و واز بارید.