شەفەق نیوز/ روانگەی ماف مرۆڤ سوریا، ئمڕوو جمعه، کوشیان ٣٦ سەرباز لەلای کەمەو، و زەخمداری دەیان ترەک راگەیان، لە ئەنجام گورزیگ ئاسمانی ئیسرائیل لەبان چەن شوینیگ نزیک حەلەب باکوور سوریا، ئەمارەیل مووشەک حزبولڵای لوبنان لەناویان بوی.
روانگەگە ئەرا ئاژانس فرانس پرێس وتیش: لەلای کەمەو ٣٦ ئەندام لە هیزەیل سوریا کوشیان، و دەیانیش زەخمدار بوینە، لە ئەنجام گورزیگ ئیسرائیل وەبان ناوچەیگ نزیک فڕۆکەخانەی ناودەوڵەتی حەلەب.
رۆیتەرز لە زوان دوو سەرچەوە وت: گورزەیل ئیسرائیل لە وەخت زوییگ شەوەکی جمعە جیوەجی کریا، بویە هوکار کوشیان ٣٤ مەدەنی و سەرباز، وتیش: ئەو کورزەیلە بوینە هوکار کوشیان پەنج لە ئەندامەیل حزبولڵای لوبنان.
روانگەگە هەمیش وت: کورز ئاسمانی ئیسرائیل هەمیش لە شار سەفیرە کارگایل وەرگری کردە ئامانج کە ئەوسا کار ئەرا وەزارەت وەرگری سوریا کردیان و ئیسە لایەنەیل سەروە ئیران دەس وەبانی نانە.